15/10/2015
切勿濫用「虐兒」
睇報道,有大肚媽媽在茶餐廳打了囝囝幾下手板仔被捕,帶出了現在是否有好多人濫用「虐兒」、小題大做,以威脅家長、及何謂適當體罰、何謂虐兒的問題。唔係過分的點解要理人呢?假如係吊高來打!就肯定毋庸置疑。
我們這一輩有誰不是被打大、鬧大的?不是說體罰有益,只想說,如果連打手板(如非勁大力的話)都要被補,甚至早前有大學生遲到被教授罰企,都要被議員非議的話,難怪小朋友態度已經囂張跋扈、大學生亦只會愈來愈有恃無恐了!
正常的家長又怎會無端端打自己子女?惟小朋友有時係天使、有時又係魔鬼,善於挑戰大人底線,所以一定要教、要令其明白做錯事壞事的後果,日後不可罔顧後果,更要懂得推己及人,不應因為私心而犧牲他人利益。
養不教,誰之過?小孩子未懂講道理,打不是一切,但不打又等於肯定會學好嗎?你今日唔郁佢、唔糾正佢,將來衰咗,係唔係交畀法律制裁佢!
矯枉過正、連BB有便便都興奮莫名,差點要把整篤便便影低放上fb的怪獸家長,會否遲早話每年親子旅遊不足四次都罪當虐兒?如是者,小女子好驚自己已犯法!
轉載自: 晴報
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票