股票買嚟揸定沽？

 　　一對朋友把酒談天，話題扯到近日氣氛極暢旺的股票市場，男的早已在賺到盤滿砵滿，既有錢又任性，由上市公司COO轉型電影導演，從事藝術創作之餘，以股、樓投資回報支持對電影事業的追求；女的亦經歷過魔界三部曲，銀行、保險、券商，打滾多年早已參透金融市場的本質，惟在同一命題：「股票係買嚟揸抑或係買嚟沽？」之上，見解卻截然不同。男方說：股票係買嚟揸嘅！女方說：股票係買嚟沽嘅！命題看似很哲學。

　　男的以自己一位親戚從上世紀八十年代初、把辛苦車衣賺來一直投資中電（0002）作例子，日子有功，靠所持股份四季息已足夠於早年改善置業以改善生活，是為買股票長期持有的最成功例子之一，是以覺得值得效法，夢想建立一個具備穩定派息的長期股息回報組合。而據女方說法，在波動市環境下，只有賺了落袋的錢才實在，太多左右股票價格的因素，加上資訊發達，股價快速反映好壞因素，鮮有滄海遺珠，增加投資的不確定性，捕捉升浪、避開跌浪，自然能夠提升回報。觀點與角度的問題，各有見解與道理，始終難有絕對的答案。