當你睇今年股市又擺脫不了五窮六絕，阿爺就堅要你估佢唔到。老實說，從經濟情況基本面衡量，中資股真係買唔落手，尤其百業之母的內銀。

　　一帶一路、滬港通加料、季結，「三及第」威力盡情發揮，內地資金終肯千帆並舉啟程南下，內地放寬公募基金借道港股通走出去，把手上QDII基金投資額度騰出來買其他市場，措施為QDII基金提供了靈活性，不需動輒經外管局審批才可買港股，既可分散投資風險，為相對A股折讓大之H股提供炒差價誘因，尤其差價大的H股多集中於基建鐵路、港口碼頭及航空航運股，內地股民炒股心態除離不開政策、概念、題材，更愛跟消息輪流炒，按走勢追升殺跌。

　　再次證明，即使是相對開通只有廿五年的A股而言，港股已被視為甘草演員，只要有好導演、好劇本，甘草演員爐火純青的演技仍有用武之地。這次才真可算是阿爺送大禮給香港這叛逆老頑童，畀牌你上又話你玩滲透、唔幫你又話阿爺見死不救；有錢南下又話擔心A股化，冇錢到又話被邊緣化，香港人是否難服侍？你懂的！

　　諗得太多易上腦，緊跟阿爺劇本辦事，勝券在握，當然，要買要追的，都在昨天一日之內完成了，成功締造真正的追AH股差價誘因後，不少朋友手上的中資股，單日升幅平均閒閒地都有5至10％，一步到位。適逢今天季度結，臨近長假期前，堅持發揮炒中資股必勝口訣：速戰速決、快，總之費事夜長夢多。