麥當勞搞生日會，大家小時候都應該去唔少，但麥當勞如果搞埋Wedding party，你又有無興趣呢？

 

　　對於一班「低收入」「無車無樓」「無希望」的人士嚟講，人生就好似突然出現曙光，麥當勞Wedding Party最抵的幸福美滿派對只需$2999，而最貴的愛意無限派對都只係$9999，真係諗都無諗過！任何一款套餐都包場地租用任玩2小時（晚上6時到10時），最多可以請四五十人，仲有司儀同佈置，婚禮小物選購服務，中式西式任你揀！消息一出，即時引來網民熱烈討論！

 

$2999幸福美滿派對－無咩朋友嘅，揀呢款廿位餐就夠哂數！

 

$3988 濃情厚意派對－送多一對氣球戒指同中式氣球帽，實在太有創意啦！

 

 

$6688 甜蜜滿瀉派對－雙層蘋果批結婚蛋糕！太神奇啦！

 

 

$9999幸福美滿派對－中式氣球結婚公仔…好似….

 

 

 

　　網友Wai Tjoi 即時諗到啲菜式，包括：生灼富貴麥樂雞、高湯紅燒麥香雞柳燴通粉、清蒸美國炸魚柳、老麥一品脆皮雞翼、幸福鴛鴦漢堡扒麥麥飯、百年好合蘋果批、甜到入心焦糖伴雪糕。網友Newmoon Cross 對於蒸魚柳包感到恐懼。網友Sandy Lam 笑言「人情一個m記套餐加大」，網友Kachiu Chan則笑言「新人交換薯條，禮成」。

 

　　網友Hebe Lam 笑言今次是要尋找願意麥記擺酒的女友，網友Donny Man 指如果有位新娘肯和你接受一個這樣婚禮，真係三生有幸，「夫復何求囉！」網友Amber Lam認為如果男方提出麥記擺酒，必定變成「自殺式擺酒」

 

　　網友Ceci Chan指一個婚禮連家長只有40人，難度很高。網友Kaka Yeung覺得如果真心祝福新人，「去邊度飲都冇所謂」。網友Yuki Lam 同樣認為「如果好鐘意麥當勞的話都無咩所謂」。

 

　　麥當勞搞Wedding party，你又有無興趣呢？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票