無線全新節目《網絡挑機》昨日首播，節目找來多位網絡紅人，包括司徒夾帶及伍公子等參與制作。昨晚播出的第一集主題《假如我是TVB》，TVB的節目簡介指該集是任由一班網絡紅人在大氣電波提出不滿，放手讓他們做話事人，炮製一個「唔似TVB」的電視節目；又指網民近年經常拿TVB的製作做笑點，又暗諷TVB是「方丈」(份人好小器)。今次TVB嘗試反客為主，邀請陳百祥、王晶、王祖藍等藝人和導演，與一眾網絡群英當面舌戰，探討當今電視製作的流弊。

 

 

　　但是，節目未出街之前，經已引來多番罵戰。其中一位參與節目的YouTuber伍公子在節目推出前，更在 Facebook 專頁出帖，大肆批評TVB剪走節目不少部分，「成個節目就好似說教一樣，根本唔係真心想令兩代人互相理解，如果係真心想探討年輕人同網絡，你又何必站在一個高位同以前既思想去了解成件事呢？相信呢個節目唔會令人了解多左網絡文化，而係多左更多誤解！本來有一絲期盼，但TVB 始終係TVB。」，他更呼籲觀眾罷看。之後《網絡挑機》節目監製就在 Facebook 還擊，表示「唔玩得就咪x學人黎玩la」。

 

 伍公子於Facebook專頁出帖，批評TVB剪走節目不少部分。

節目監製岑應在 Facebook 還擊

 

　　Leonard Leung表示「剛睇完TVB《網絡挑機》，可以話係剪到一忽忽節奏古怪不倫不類。王晶果part直頭離譜，成part得佢講，冇人講喎！」網友Kelvin Ng表示「真心，第一集就比人踩到上心口咁濟，搞到咁，網絡紅人又唔係無人識，不如當初就唔好去tvb，依家可能助長佢地繼續自傲！」

 

 

　　網友Patrick Tang認為YouTuber與TVB合作的決定太傻，指「節目出街前TVB點會唔剪走所有對佢不利的片段！」網友Tom Li 亦指「TVB咁大間電視台點會真係比你地班網絡紅人入去踩場？ TVB只係利用佢地。」

 

 

　　網友Perry Chock指「台灣電視台請網絡名人上去做節目，係當佢地為『客人』、『嘉賓』，地位平等，互相尊重。如今香港網絡人以為可以借大氣電波推廣自己，但係就無發覺TVB只當你地係最近興起嘅話題。TVB無心推廣網絡文化，亦無心改正現有既錯誤。」

 

　　網友Edward Tang表示「《網絡挑機》唔知點解令我對那群參與的YouTubers有『出賣自己』的感覺。」他寄語YouTubers「別忘了，你們是不與傳統媒介同流，才會另創一片天地的；如今連自己的創作平臺都不再信任之際，你還有甚麼本錢剩下呢？」

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

夏日中暑高風險！即睇中暑迷思＋預防措施！► 立即了解