無線藝人陳百祥接受港台節目《我係乜乜乜》訪問，大談新一代年輕人，其中不少言論惹來網上激烈討論。他指時下網民是「憎人富貴厭人貧」，「唔想你富貴又唔想你好，但見到衰嗰啲，佢又睇你唔起」

 

 

　　他同時亦批評年輕人「讀壞書」，喜歡「搞破壞」，更點名指黃之鋒連「連考八間大學都考唔入，咁我點話你叻？」主持人追問他是否以考試高分為「叻」的標準，陳百祥表示，考試高分是「叻」的第一步，「至少不會搞事」。

 

 

　　他亦表示自己「如果」年輕點，或會當上facebook創辦人，「如果」更年輕，或有機會做特首。

 

 

　　陳百祥節目中力撐特首梁振英，認為梁振英政府表現佳，「佢搞到咩民怨？我覺得佢哋做得好」，只是批評者「冥頑不靈」。

 

 

　　黃之鋒在facebook專頁回應，認為考不上八大沒有問題，反諷「陳百祥無讀大學兼會考得13分，咪照樣做咗一線藝人」、「就算你覺得我廢青無出息乜都好，我叻唔叻根本唔係由你判斷，亦唔需要向你交待，只要我向到自己負責咪得」。

 

 

　　已故著名填詞人林振強早於2003年便於《蘋果》撰寫專欄，形容「阿叻是我的偶像」，因為他憑一己之力，可以改變一個電視節目的質素，認為任何電視節目，只要他一出現，這個節目必會變為業餘、不認真，和像馬戲團。

 

　　藝人歐錦棠在facebook專頁提到，「要批評甚至打擊一個人，從來不應向他/她的學歷或成就著手，反之亦然；而只懂得憑藉這些所謂主流價值觀去衡量別人的『人』，你的見識智慧有多少，一目瞭然。」

 

 

　　大學講師沈旭暉facebook專頁發表意見指，「我也看實質論英雄，考獲10A9A既我識大把，但係無一個做到黃之鋒做既嘢。而且居然唔使著透明圍裙孖煙通，都上到《TIME》封面，叻過唔知幾多間大學都考唔到既《TVB Weekly》荷蘭叻好多。」

 

 

　　網友Davy Ho Fei Wong 慨嘆，「香港讀書壓力真大，讀緊大學又俾人話讀屎片，讀唔到大學陣俾人話讀唔成書。」

 

　　網友Victor Tang認為「兩位主持一流，冷靜應對，思路清晰！反觀陳伯祥，成個節目不断自傷矛盾，邏輯混亂。」

 

　　但亦有網友批評主持人沒有維持中立，網友Wai Sam 指「兩位立場絕對偏頗嘅主持做好功課背好預設問題、答案嚟問阿叻，阿叻即場發揮兼隨時畀人cut答辯嘅情況下都仲講到咁多嘢都算叻人㗎啦！」

 

　　網友Willie Tang指「我好少睇香港電台的節目，不過睇完20分鐘，我覺得年輕一代，無野搵野黎搞。憎人富貴厭人貧，最重要係因為自己本身無料，無思想，只會係到跟風， 人云亦云。」

 

　　網友May Lam Yip 表示「睇晒成個節目，港台都cut好多先可以播到出街喎！老老實實，有冇個完整版先！」

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》【親子溝通】怪獸家長原來都有呢啲通病！相處有一件事切忌？► 即睇