2018-02-22
政府工你以為好好做?公平政策搞到你返工心驚驚!
細個一定聽過長輩叫你畀心機讀書,將來大個唔係做醫生就要做律師。不過近年老一輩多左個Option畀大家,就係要做公務員!拎鐵飯碗!但係,每日咁多人鬧政府,連文職公務員都開始畀人仇視,點解每次政府公開招聘都一定收爆application?近排就同咗個係政總OFFICE返工嘅舊同學食飯,佢就大呻每日返工都好似生命受到威脅咁!
簡單為大家講解一下公務員制度嘅Background,啲人成日叫公務員做「鐵飯碗」,除左因為比私人市場穩定,遇上金融機風暴唔怕被裁員之外,仲因為過左probation後嘅員工,只有特區首長先可以炒你!(當然,做左違法事情唔洗驚動林太都即炒你喇!)所以成日有學歷高嘅新仔上司,騎唔住一班「老海鮮」!而且政府一向採取公開及公平競爭為原則,身為本港最大僱主,公務員隊伍中有大概2%是殘疾人士,不過呢啲涉及私隱條例,任何個人資料都唔會公開出黎,所以你永遠唔會知道同事的背景。
而朋友今次大呻嘅事,就懷疑同公務員制度有關。事緣朋友一直同同事共事都還好,但慢慢開始,隔離位同事就開始異常。呢位女同事化名IVY,負責日常濕升事務,例如訂文具、寄信、分信等等瑣碎事。一日,IVY一手拎住一條香蕉,另一隻手拿住字典,然後在自己位中不停啐啐唸講「Banana,香蕉」,如是者維持左15分鐘,之後將香蕉中間一屈,香蕉肉露出後開始進食。朋友話大家覺得有啲奇怪,但無乜影響就繼續無視。IVY自此之後就變本加厲,有時拎住開信刀或(界刂)刀等利器,但又唔係開信,反而一個人坐係位度隨便揮動。朋友話開始感到坐佢隔離有啲擔心,怕有朝一日IVY會傷到自己。
咁我就問朋友:「點解你唔直接同IVY或者上司反映下,咁樣亂舞把(界刂)刀好危險呢?」
朋友好無奈地回應:「其實你聽佢事蹟都知佢應該有少少問題⋯你覺得同佢本人反映有用咩?至於我上司,我都有同佢反映過,但上司叫我忍吓喎,話我就快可以調department,仲話大家都係公務員,假如對[特別同事]有任何特別、不公平對待,畀出面啲機構、甚至佢屋企人告,搞大左就會好麻煩!」
從朋友態度感覺到,佢其實唔介意同「特別同事」共事,佢都好支持幫助有需要人士就業。不過,IVY不能預計及不能自控嘅行為,對朋友構成嘅心理壓力,以及「求助無門,只好死忍」的死症,就真係冇解決辦法。其實入得政府工都係求穩定,但而家朋友就好似每日都揹住個炸彈上身咁,只希望係佢調department前可以保住唔爆!但,做公務員嘅佢,永遠唔知道下次調位隔離嘅同事係咩人……
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇