《Online有話兒》馬斯克語出驚人：你咪拉我囉！

　　特斯拉（Tesla）主席馬斯克被人叫得「真人版Ironman」，因為佢真係語不驚人誓不休。早幾日美國重吹緊復工，但特斯拉喺加州嘅工廠重停緊，所以馬斯克嬲嬲地係Twitter上面寫：

 

特斯拉就算違反禁令都要喺今日（12日）開工，我就一定站係最前線，如果邊個要被人拉嘅，相信只有我。（Twitter截圖）

 

　　點解馬斯克會咁急呢？因為通用同福特嘅工廠都喺密歇根州，而該州份已經宣布5月18日開始復工，如果加州仲唔開工，就會威脅到特斯拉嘅競爭力。所以特斯拉就算點都要開工，但經過特斯拉同當地政府交涉後，連當地政府都要跪低，終於宣布同樣喺今日（18日)復工。

 

(Shutterstock圖片)

 

　　呢場政府同企業嘅角力，最後都係企業獲勝！

 

　　講開又講，馬斯克其實喺呢個月初（4日)，剛剛榮升爸爸，真係恭喜晒啊！不過唔知佢係咪整蠱個仔，幫佢改個名叫：X Æ A－12

 

真係好溫馨，羨慕死人咩。（Twittwe截圖）

 

　　你睇完係咪都唔識讀呢？我都係！後來馬斯克個女朋友格萊姆係自己Twittwe上解釋呢名點解：

 

x代表數學中的未知變量；Æ則是Ai（愛/人工智慧）嘅精靈文；A－12代表了Archangel－12（A12偵測機）。(Twitter截圖)

 

　　個名真係有深度兼無厘頭，不過點都好啦，新生命出世的確值得恭喜。之但係，第日佢讀書嘅時候，班同學仔應該叫佢咩好呢？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

第九屆「傳媒轉型大獎」請投etnet經濟通一票！ ► 立即行動