【心機之作】一切講求準確性：椰香雪花糕

 

　　新手學做甜品，大部份朋友都可能整過馬豆糕。做過馬豆糕的朋友就知道，當牛奶椰漿水加入粟粉水後，即是麵糊「杰」到攪唔到，唔快啲手去攪，個煲底又濃，又或是心急，麵糊都未煮熟，怕濃底就熄火，最後的馬豆糕因為麵糰未煮熟，凝固唔到，失敗了。

 

　　今次教授的雪花糕做法跟馬豆糕差不多，大家只要留心在加入粟粉水時，一定要將火轉至最細或可以先將爐關掉，那麼粉漿就不容易起粉粒及做出來的效果就會細滑。若想糕再軟身，可以調較粟粉的份量或另行再加入多些牛奶都可以。

 

製作時間：15分鐘

份量：10件

 

 

材料：

 

　　A) 牛奶   100克 + 粟粉45克

　　B) 牛奶   200克 + 椰漿200 克 

　　C) 砂糖   40克

　　D) 椰絲   適量

 

做法：

 

　　1. 將牛奶加入粟粉內拌勻，成牛奶糊，備用。

 

 

　　2. 將材料B的牛奶、椰漿及砂糖用大火煮溶，然後改細火，慢慢加入牛奶糊，用手動蛋拂快手不停攪拌，煮至麵糊成濃稠狀及光滑無粉粒（約2-3分鐘）。

 

 

 

　　3. 將麵糊倒入容器內，放涼一會，放入雪櫃冷藏2小時至凝固。

 

 

　　4. 將糕倒扣起出，切件，然後每件沾上椰絲，即成。

 

 

小貼士： 

 

　　加入粟粉水時，麵糊好快變濃稠，若果爐快太猛較容易濃，可以先離火快速攪勻才再開慢火煮濃稠及麵糊熟透。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】政府擬立法規定所有的士須於車內安裝攝錄設備，你是否認同？ ► 立即投票