【新春菜譜】惹味十足　花菇鮑魚扒生菜

 

　　恭喜發財！

 

　　今日係大年初二，相信大家都已準備好開年飯。新春期間，大家可能每天都忙著去拜年或者有好多親戚朋友來拜年。賀年菜色煮來煮去都係那幾道菜，有時唔想煮太複雜，又想菜色可以見得人，用來宴客或家庭聚餐都會做到的。

 

　　所以，今天教大家一道簡單又容易做到的菜色，過幾日年初七（人日），大家又可以慶祝一餐啦！新春期間，超市或點鋪都有特價罐裝鮑魚，買回來燉幾燉就食得，唔使慢慢浸發，方便又簡單。冬菇今次我買左細細粒的花菇，細細粒容易食，爽口又彈牙，一啲都唔會失禮客人。

 

烹煮時間：1小時

份量：3-4人

 

材料：

 

 

罐裝鮑魚  1罐

冬菇      8朵

西生菜    1個

蔥段      2棵

薑片      3片

蒜頭      3瓣 (切片) 

 

燜冬菇調味： 

蠔油    1湯匙

砂糖    1茶匙

生抽    1茶匙

紹興酒  1茶匙

浸冬菇水  300 毫升

 

鮑魚茨汁： 

鮑魚汁    適量

老抽      1/2 茶匙

冰糖      1小粒 (5克) 

 

生粉水： 生粉  1茶匙 + 清水 1湯匙

 

做法：

1. 冬菇用清水浸3-4小時至軟身，去蒂，留起少許冬菇水。

 

 

2. 鮑魚撕去招紙，原罐放入鍋內，加入浸過罐面的清水，大火滾起後轉小火燉1-2小時，取出放涼後才開罐。

 

 

3. 燒熱鑊落1湯匙油，放入薑片及蒜片爆香，加入冬菇、蔥段及調味汁料，大火滾起後轉細火燜45分鐘至軟身。

 

 

4. 生菜沖洗，放入滾水內加入少許油、鹽焯至軟身，盛起歷水，放在碟上。

5. 燜好的冬菇排放在生菜面。

6. 鮑魚茨汁煮滾，加入鮑魚煮5分鐘待上色，先取起鮑魚排上碟，鮑魚汁煮滾，加入適量生粉水煮至稠身，淋在鮑魚冬菇上即成。

 

 

小貼士： 

 

　　罐裝鮑魚最佳食用方法就是原罐慢火去燉，讓鮑魚在罐內慢慢膨脹及將罐內湯汁吸入，放涼後才開罐，這樣處理罐裝鮑魚，吃入口才夠霖而不韌。燉好的罐裝鮑魚請在24小時內食用，未吃的不要貪慳火力，燉完又存放數星期後食用，即食即燉最好，以免變質。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票