【團年飯必備】陳皮蒸鮮鮑魚

 

 

　　經常有網友發文指，街市臨收工時買到好平的鮑魚，用來燜或蒸都好抵食。平日過時過節都只會買新鮮扇貝去蒸，都好少買新鮮鮑魚，其實可能買一份特價鮮鮑魚，價錢都平過買4隻扇貝。

 

　　所以，今次就試買一份新鮮鮑魚來蒸，雖然清洗功夫多少少，但在過時過節，蒸一道陳皮鮑魚，家人及客人都歡喜，值得一試！

 

份量：2-3人

烹煮時間：5分鐘

 

材料：

 

 

　　新鮮鮑魚仔     8-10隻  （大小隨意）

　　陳皮              1/2 角

　　蔥粒          　 適量

 

鮑魚調味：

　　生抽、熟油    各適量

 

做法：

 

　　1. 陳皮浸軟切絲，刮出白色囊，切幼絲備用。

 

 

　　2. 鮑魚仔用牙刷清洗外殼及邊位，用綱匙或小刀起出鮑魚肉，去除內臟及清洗乾淨，鮑魚殼沖洗後，可以用滾水浸一會，瀝乾水。

 

 

　　3. 沖洗後的鮑魚，可以灑上少許鹽及生粉再擦洗一次（隨意），瀝乾水份，可以在鮑魚面縱橫斜切出花紋（此動作可以唔做），放回殼上。

 

 

　　4. 陳皮絲放在鮑魚面上，放入鍋內，大火隔水蒸約5分鐘（視乎鮑魚大小）。

 

 

　　5. 蒸好的鮑魚，傾走碟上倒汗水，灑上蔥粒，再淋上熟油、豉油即成。  

 

小貼士：

 

　　蒸的時間視乎鮑魚大小，可以自行增加1-2分鐘蒸煮時間。

 

　　另一酒店清洗鮑魚方法是：將鮑魚放入滾水內煮10秒，然後熄火浸1分鐘，盛起浸清水至涼，才起出鮑魚肉，去除內臟及清洗邊位，放回在殼內。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票