美國最近一項調查發現，近10%大學生要求家長陪同參加求職面試，3%更會要求帶阿媽一同進入面試室。本港自然「不甘後人」，繼有大學小學雞化舉行家長日，再有HR投訴求職者帶阿媽去見工，甚至收過由怪獸家長代筆的求職信與CV。為保各位求職者大，別帶阿媽去見工！

 

HR對帶阿媽去見工的回應：

 

　　1、「No way! Next.」

 

　　2、「不但對成功求職毫無幫助，直情係『趕客』，大大降低見成份工嘅機會；兼且俾人笑到面黃。」

 

　　3、「呢啲阿媽分分鐘累死個仔，裙腳仔點長大？咁大個仔大個女，有咩唔可以靠自己搞掂？」

 

　　4、「一見到有人帶埋家長嚟見工，我通常都無咩心情in，求職者可能就少咗發揮空間。」

 

　　5、「啲阿媽往往有太多意見，唔係無厘頭，就係無關痛癢。其實真係唔需要跟埋嚟。」

 

　　6、「真正嚟返工嘅又唔係阿媽，出糧嗰個亦唔係阿媽，搵埋阿媽嚟真係幫唔到啲咩。」

 

　　7、「出嚟做嘢就係大人喇，有勇氣面對人生，點解無勇氣叫阿媽唔好跟住嚟interview呢？」

 

　　8、「老老實實，職場認錢唔認人，講親情係件好危險嘅事，都係返火星安全啲。」

 

　　除非招聘廣告本身有可疑，否則見工面試根本犯不著勞師動眾勞煩家長出手。而對於有可疑的招聘廣告……又何必以身犯險？

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】拜登宣布競逐連任，若民主黨讓賀錦麗代替參選會否有效爭取選票？► 立即投票