大家喺過年前，係唔係清理咗唔少唔要或者唔啱著嘅衣物呢？有時你唔要嘅嘢，可能對人哋嚟講好有用，甚至係寶都未定！清理雜物時，與其送唔要嘅嘢去堆填區，不如捐出嚟同人分享啦！

　　微碳行動同與JupYeah聯手喺2013年2月24日(星期日)舉行「微碳行動」活出微碳執嘢體驗團，大搞以物易物大Party，體驗人棄我取的執嘢精神，透過物資分享，減少多餘消費，投入微碳生活。

 　　參加者只需捐出自己唔啱用但對人哋嚟講可能好有價值嘅物品，就可以免費喺場內帶走任何其他人帶來嘅物品。屆時仲有微碳達人「氣候組織」大中華區副總裁馬啟智同你分享點樣微碳執嘢、龐一鳴嘅綠色知性分享、「豐剩」見證食物絕對唔應該浪費、「回憶工業」嘅upcycled設計展覽，仲有獨立DJ同大家分享好音樂。
 

　　透過「微碳行動」報名出席，仲可獲豁免當日入場費（原價HK$120），大家千祈唔好Miss呢個咁好玩又有意義嘅活動呀！體驗團名額有限，額滿即止，想參加請火速報名！

詳情
日期：2013年2月24日（星期日）
地點：The Space -香港上環荷里活道210號
時間：11:30am - 1:30pm （成功登記執嘢體驗團的朋友將獲專人通知確實集合地點及時間）
登記網址：http://www.microcarbon.org.hk/workshop2_registration.html
入場費：HK$120（透過「微碳行動」報名出席可獲豁免）
備註：報名者請先LIKE微碳行動Facebook專頁，以緊貼活動進展。參加活動後需要在「一念微碳攝影札記」的Facebook App上分享一張照片及簡單感想，分享微碳見聞，並有機會得到豐富獎品！