12/04/2023
假期香港很靜,是福不是禍
據報導,這幾日復活節假期,大約有七八十萬人離開香港,令到市面很靜,連澳門都贏香港,今次香港真係好大鑊。
(資料圖片)
我認為市面靜反而是好消息,那七、八十萬離開香港的人並不是去其他地方做短工,而是去旅行,既然有咁多人有錢去旅行,相信香港的經濟狀況並不壞,不用杞人憂天,反過來說,如果很少香港人出外旅遊,形勢反而不妙,千祈唔好將好消息變成壞消息。
在紐約住過的人知道,在每一年聖誕節,紐約市面非常靜,鬼影都冇隻,大家唔好以為紐約人去了旅行,其實是大多數人回家探親,紐約居民未必會在假期出外旅遊,寧願享受片刻寧靜。
大家又唔好以為在這幾天出外旅遊的人經濟非常好,老實說,他們的經驗並不差,但唔可以講非常好,如果經濟非常好的話,反而唔會在這幾天出外旅遊,無謂付出較多費用,以及同人迫,好似去日本,等過關都要等四、五個鐘頭,而事實上不少有能力在平日放假而又經濟不錯的人,這幾日就會留在香港,大家千祈唔好以為留在香港的人的經濟不佳,其實他們只是不想出外旅遊。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情