近期必睇的除了是復仇者聯盟和權力遊戲Final Season外，小編還找來熱爆全日本的最新日劇《我要準時下班》，光是看劇名都知道好適合我地呢班打工仔睇啦！果然，這套劇並沒有令小編失望，第一集已經爆出很多共鳴金句，真係每一句都直插心臟啊！

　　劇集主要講述一名日本OL東山結衣（吉高由里子飾演）每月OT超過100小時、從不請假地為公司賣命工作，直到有一天，她因工作而差點沒命……與死神擦身而過的她，在醒來後突然頓悟，決定不再為公司捱生捱死了。

金句1：「對遲到那麼嚴格，為甚麼對下班時間卻那麼隨便呢？」

　　作為一個打工仔，每日朝早返工都與時間競賽，搏咗條老命去追巴士、冒著地鐵會出軌的風險而「監生」衝入車廂，為的都是準時返工打卡，因為遲一秒都已經計遲到啦！但放工呢？點解無人會話：「喂！你遲咗一秒收工喎，好快啲走啦！」

金句2：「我不打算比現在更努力，我要準時下班，想請有薪假就會請。」

　　說實話，作為一個受薪的打工仔，每天有效率地完成上司交給自己的工作，做好本份後，為甚麼不能準時收工呢？更何況，加班唔代表你勤力，某程度上係代表你工作效率有點低……