16/04/2015
今年職場生態:小心老細、客戶或自己埋下的地雷
羊年職場中人並不溫馴,打工仔今年特別睇波士唔順眼。
原因?
係D星度!
天機星帶來希望。
天梁星帶來批判。
紫微星帶來任性。
太陰星帶來煩惱。
乙未年天機化祿、天梁化權、紫微化科、太陰化忌。對打工仔而言,容易出現下列情況:
(一) 有轉工的機會,對老虎及馬仔而言,多有實際的晉升和收獲,但其他生肖則要看事業宮的吉凶。天機化祿未必人人得益。
(二) 老細會特別挑剔或客戶特別腌尖。天梁星有判官的特質,應用在現代社會,就變成hypercritical,今年quality control肯定有市場。老闆又會成日audit員工表現,有時判官上身,話你有錯就有錯。但可以玩死你!
(三) 紫微是皇帝星,有「好惡隨心」的特質,化科就加強了這特質,搖身一變成人肉X光機,專門照員工的肺。古時昏君大怒,就隨便推你出午門斬首,現在老細唔高興,肯定喝你收口,即係犯人無須答辯!
至於客戶,亦上起皇帝癮,雖然唔可以斬死你,但可以玩死!
好咧!打工仔自己又代入皇帝角色,自以為是投資級別三條A極品,卻遇到三條B垃圾債券級僱主,你唔識貨,嘿!我走。這麼一走,便可能大件事了。紫微若是孤君在野格局,即皇帝失勢走佬,則可能弄到四面楚歌,因為紫微化科在沒有吉曜拱照和臣級星輔助的情況下,好容易因任性而錯判形勢。
(四) 至於太陰化忌,則喻示時不予我,唔撈之後,一係因眼角高、叫價高,有排都搵唔到自己理想「口個」份工,一係跳槽之後,唔適應新環境;再劣D,新公司營業狀況逆轉,新「口黎」新豬肉,裁你唔到你唔服!
諸如此類的Scenario都容易令「孤君」壯志難伸,常有懷才不遇之歎,這又應了太陰化忌那失財兼失意的惡兆。
所以今年打工仔要小心評估自己的職場機會和利用價值,不要輕易炒老細魷魚,否則可能新不如舊,自作自受!
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情