10/04/2024
職場女王Son姐|2024職場生態同6年前完全冇變!點解加人工都請唔到人?老闆沿用舊經營方針必然被淘汰?
張慧敏 Alison
張慧敏 Alison
張慧敏Alison(Son姐)
職場女王身世
橫跨幾世代,馳騁幾十年
一雙慧眼,見證職場盛衰
戎馬一生,經歷大小戰役
辣筆寸嘴,有的放矢,百無禁忌
清心直說,如有雷同,不是巧合YouTube:張慧敏Son姐話
Facebook:職場慧眼 – 張慧敏Son姐
職場女王
逢周三更新
2018的報紙剪報。當時打工仔常態的16點,6 年後的2024 竟然完全適用!足以證明世界變了、時代變了,但是職場生態仍然完全冇變!怪不得職場怨氣愈來愈重,上司下屬、僱主員工之間的關係,點止對立,簡直水火不容。但偏偏一方面還是要繼續請人,一方面亦還是要繼續搵工,各執一詞各有己見,如何合作是好?
當年出post分享,我的讀者們加上以下幾點:
- 要帶埋老母返工
- 畀老闆出氣,人工包埋
- 一日到黑話辭職唔做嘅人,一日到黑都好勤力繼續做
- 冇嘢可以阻止到香港人返工
- 無午膳時間,問你食夠未、要食幾耐,唔使你做啊
- 風雨不改,記得準時開laptop返工
- No pay leave唔係on leave,係No Pay Work From Home
即使外圍經濟講到幾差都好,以失業率計,香港可以講是全民就業。打工仔只要想搵工,肯返工一定搵到工,差在願不願意做、喜不喜歡做而已,主導權在打工仔手上。各行業的薪酬都上漲,是不爭的事實,但加了人工是否就能夠請到人?事實證明不是的!
香港零售業、飲食業面臨前所未有的衝擊,但這個衝擊並不是單單與香港人喜歡北上購物消費造成的。網購流行,淘寶方便,尤其是不管在國外甚麼網站買回來的家品用具,結果都是Made in China的時候,直接淘寶淘回來快靚正,還要慳一大截。零售商店租金貴、人工貴、經營成本貴,貨品種類亦不可能夠網上商店五花八門,如何能夠保持競爭力?如何吸引顧客上門?沿用以前的經營方針手法,被淘汰是必然的下場。
以前返工一定要返Office,而家在家工作得,同一時間做幾份工作一樣得,Slasher、freelancer或者以外判自由身形式接job做一樣得。打工仔都可以自主工作,收入不會比做一份工少之餘,工作時間的彈性及自由度更大。
老闆最渴望得到的忠誠、投入、創造力、拼勁幹勁……Sorry囉,統統用錢買唔到,究竟怎樣做得到?職場女王Son姐醒你:不是靠能力,是靠量力!你肯教不代表下屬肯學,做老闆、管理層有能力是應該的,(潛台詞是:你出糧多過我,應該做多啲;有本事就唔使打你份工啦!)
靠量力是甚麼一回事?教學相長,你哋話呢?
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票