• |
  • 極速報價
  • |

07/04/2017

林鄭組班的困局

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  喺競選期間擔任林鄭月娥競選辦主任嘅行政會議成員陳智思一句「組班有如求人入火海」,道出林鄭喺組班過程之中面對嘅困難。

 

  林鄭組班可有三方面嘅難關需要克服。第一關,係現任官員離巢潮。資深官場人士同Tina講,幾位現任官員,包括食衛局局長高永文、政制及事務局局長譚志源、律政司司長袁國強等,都唔會再喺下一屆政府效力,對林鄭組班帶嚟最致命嘅打擊。

 

  「如果林鄭係一個好老細,你估呢班官員會唔會咁快話唔撈?唔好忘記,佢地好多個都仲係好後生,唔係唔得掂咁滿頭白髮呀!」官場人士一語道破。而多位現任官員嘅表態,令到官場以外,主要係商場內嘅傑出領袖,對於跳入火海更加係退避三舍,亦正正係陳智思所講嘅現況。

 

  第二關,係來自CY。眾所周知,CY有幾名愛將喺現任政府,而據聞佢開到聲要林鄭「好好處理」愛將。但林鄭同CY唔同,林鄭係堅打得嘅官員,佢對下屬素來亦係有好高要求,唔係只求忠心,所以佢對部分CY愛將出現排斥狀態。CY公開否定林鄭提出撤銷小三TSA嘅要求;而CY貴為新任政協副主席,主要官員都要由阿爺任命,CY喺任命上有一定牙力,林鄭埋班亦要好好處理同CY之間嘅緊張關係。

 

  第三關,係來自林鄭自己。林鄭對下屬要求之高,官場中無人不知,早排話鬧喊高官單花邊,官場中人都話,呢個係公開嘅秘密云云。揀人做局長,林鄭必定係精挑細選,但市場上又有幾多人,可以畀林鄭精挑呢?據聞有唔少有份量嘅「飛來蜢」向林鄭釋出做官意向,但呢批人,一係唔夠經驗、一係就唔夠能幹,林鄭揀得落手嘅一個起兩個止。特別係財政司司長呢個位,據聞係令林鄭最頭痕,幾位已蒲面嘅人選都唔係真命天子。而由於肯落火海嘅財金界人士少之又少,現任財庫局局長陳家強,雖然跟咗鬍鬚咁多年,最後亦可能過檔林鄭馬房。

 

  林鄭埋班嘅「噩夢」,可能發到6月先完。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

送禮活動浪接浪!想緊貼著數活動消息?即Like etnet Facebook專頁!► 立即讚好

我要回應5

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 昨日的我發表於 2017-4-10 04:25 PM
  • #6
  • 現屆政府經常被人批評未能唯才是用,林太要求高,花時間去揀,也算係堵塞了這個漏洞。
    試想想,如果以政治角度的「大團圓」為由,答應了由某自X黨主席推薦的「廿蚊張」士去主事教育局,大家希望見到嗎? 寄語林太「寧缺勿濫」,給新政府注入新希望吧。
  • 回覆 | 引用 | 舉報
  • C633563003發表於 2017-4-10 03:34 PM
  • #5
  • 更正:#4

    欄主嘅猜測嚟啫,如果靠估到六月,都唔知開咗幾多次六合彩嚹。

    如果六個億一注中,仲使乜要做25年啫,20個單位都買到啦。係咪?

    去搵愛麗斯啦,夢遊仙境呀!
  • 回覆 | 引用 | 舉報
  • C633563003發表於 2017-4-10 03:32 PM
  • #4
  • 欄主嘅猜測嚟啫,如果靠估估6六月,都唔知開咗幾多次六合彩嚹。

    如果六個億一注中,仲使乜要做25年啫,20個單位都買到啦。係咪?

    去搵愛麗斯啦,夢遊仙境呀!
  • 回覆 | 引用 | 舉報
  • ctang8發表於 2017-4-10 02:42 PM
  • #3
  • 第二關不成理由,誰當特首,就誰去揀卒!
  • 回覆 | 引用 | 舉報
  • 盟主牌發表於 2017-4-8 12:03 AM
  • #2
  • 能者,賢者,得道多助,無憂
    林郑组班,有得揀,佢至喺老闆
    筆者費神,多慮了
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ