17/03/2023
日食一餐勁減10多磅 李幸倪中空裝曬成果
【晴報專訊】關智斌(Kenny)、李幸倪(Gin Lee)和周勵淇等昨日出席美容頒獎禮。自從加盟英皇後,Gin Lee由造型以至歌曲創作都大革新,衣着打扮更較以前進取,昨日她以中空貼身裙現身,性感程度爆燈,火速成為全場焦點。
Gin Lee這身打扮被笑「中門大開」,同時露纖腰、騷長腿,勁fit。
李幸倪昨日以中空裝現身,大騷婀娜身材,令人眼前一亮。問Gin Lee是否對身形相當滿意?她表示︰「其實呢三個月,我瘦咗十幾磅,跳舞加埋斷食,每日只係食一餐,喺一個鐘內完成,雖然呢一個鐘內可以任食,但我食少少已經好飽,而且體能上完全無問題,斷食期間keep住跳舞都應付到。」她強調是在營養師指導下進行,所以很安全。
Kenny笑指用雙手保護師妹Gin Lee,免她走光,場面惹笑。
同場及同公司的關智斌看到Gin Lee的fit爆身形,也大為讚嘆,同時也鼓勵了他時刻保持最佳狀態。Kenny笑言︰「夏天都嚟啦,對於一個男演員嚟講,身上無肌肉點可以行走漿糊(江湖)。」他自豪稱身上的六塊腹肌仍在,「嚟緊要拍戲,更加唔可以偷懶。」Kenny自言太喜歡吃,因此不能效法Gin Lee的一日一餐斷食法,但能接受生酮飲食法,「戒澱粉質戒糖,我都ok,唯獨因為水果有果糖都要戒,就有少少難度,因為我鍾意食水果。」
關智斌自豪有六嚿腹肌
此外,Kenny每年夏天都會相約好友出海,因而被朋友取笑他經常開船P,他重申︰「我嗰啲唔係船P係出海,我約朋友出海滑水,係唔會飲酒嘅,呢方面我真係要澄清一下,哈哈。」問到Kenny稍後的電影拍攝是否需要騷肌?他即強調自己絕非賣肉,問到會否有愛情動作場面?他搞笑指問導演能否臨時加戲。
轉載自: 晴報
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票