31/05/2022
紅館騷尾場唱到凌晨1時 張敬軒晚晚超時罰款過百萬
【晴報專訊】張敬軒前晚舉行紅館演唱會尾場,邀得男團MIRROR成員陳卓賢(Ian)、柳應廷(Jer),以及老友王菀之(Ivana)任嘉賓。Ivana在台上讀出「情信」搞喊軒仔,場面感人;軒仔唱到凌晨1時10分才捨得完騷,他更自爆因晚晚超時,遭罰款超過七位數字。
軒仔感恩獲粉絲支持,他亦拼命唱回饋歌迷。
張敬軒前晚舉行第26場紅館騷,他在台上有感而發說:「自出娘胎以嚟都無諗過開多過25場演唱會,今晚(前晚)仲開到26場,呢場更係我人生中第50場紅館騷。」前晚軒仔邀得老友王菀之任嘉賓,他形容Ivana說:「我哋除咗係靈魂交集嘅朋友,仲試過出生入死。有次出埠表演,因為主辦方溝通有問題,我哋被困以為走唔到,好彩朋友救我哋,我哋先可以完整咁企喺舞台上。」「皇上」軒仔更半跪地迎接「皇后」Ivana,全場哄動。
聞王菀之情深讀信爆喊
軒仔指Ivana的信「刺中他的心」而失守落淚,二人相擁場面感人。
軒仔指Ivana的信「刺中他的心」而失守落淚,二人相擁場面感人。
Ivana在台上讀出親手寫的信件:「幾年前你喺同一地方問過我,如果下一世遇唔番我點算?」軒仔聞言忍不住爆喊,Ivana亦哽咽說︰「我會搵番你!」兩人深深相擁,場面感人。隨後,第二位嘉賓陳卓賢(Ian)送上自己第一架模型車給軒仔,軒仔則笑指Ian搶去了他的銀行廣告代言,同時主動為下月牛一的Ian獻唱生日歌。至於第三位嘉賓柳應廷則在encore時段登場,Jer送上珍藏的軒仔《酷愛》CD,軒仔笑說:「大家聽唔聽到代溝,佢人生買第一張碟係我隻碟。」而軒仔全晚encore了五次,最後在凌晨1時10分才完騷。
Ian在台上承諾將來買車,一定載軒仔遊車河。
軒仔搞笑自嘲跟Jer有代溝。
軒仔騷後受訪,對於演唱會幾乎晚晚超時,他說:「26場演唱會,罰款起碼七位數,如果唔係紅館有限制,佢哋(粉絲)企幾耐,我都會唱幾耐,因為呢啲係愛。其實我都有打畀楊生(老闆楊受成)講唔好意思,但呢啲錢對佢嚟講濕濕碎啦,佢話無嘢緊要得過支持者對我嘅support。」談到今次開騷嘉賓眾多,軒仔笑謂︰「佢哋真係好錫我,我唔主張嘉賓送禮物,但依家個個都送,好似我榮休演唱會咁。」
自掏7位數成立舞者基金
有指《聲夢》學員冼靖峰是軒仔的忠實歌迷,但未獲邀任嘉賓,令冼靖峰粉絲不滿,軒仔說:「粉絲角度好單純,淨係想自己偶像得到多啲嘅機會,佢有傳短信畀我,話呢幾日嘅新聞希望無影響到我;我叫佢加油,做多啲好作品畀觀眾,比做嘉賓更有意義,可能將來有機會合作。」另外,軒仔透露正籌備成立舞者基金:「今次演唱會嘅dancers,好多要打三、四份工嚟追夢,而自己平日使費其實唔多,應該攞啲出嚟幫助有需要嘅人。我諗要拎七位數字出嚟,或者叫老闆幫下手。」
陳潔靈前晚睇騷巧遇呂爵安,網民笑言重拾《造星II》B組回憶。(IG圖片)
轉載自: 晴報
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票