30/11/2021
停工陪伴患病愛犬 張敬軒揚言以後不再養寵物
【晴報專訊】張敬軒前晚擔任慈善節目嘉賓,透露最近因照顧患病的愛犬「妹妹」而多次進出獸醫醫院,心力交瘁的軒仔直言已決心不再養寵物,免再受打擊。
軒仔表示會珍惜與愛犬相處的時光。
張敬軒前晚亮相無綫慈善節目《星光熠熠耀保良》,軒仔最近忙於宣傳演唱會藍光碟及準備跨年演唱會,同時要分配時間照顧患病的哥基愛犬「妹妹」,十分忙碌。軒仔坦言「妹妹」的情況不太樂觀,日前更到寵物醫院抽肺積水,他說︰「嗰日做完嘢,未落粧就即刻抱佢去醫院,醫生話佢向緊嗰個方向(死亡)發展,依家唯一可以做嘅就係令佢無咁辛苦…我諗過之後應該唔會再養小動物,就算以後退休都應該唔會。」
軒仔坦言「妹妹」的病情不樂觀,自己已做好心理準備。(IG截圖)
軒仔續指日前出席頒獎禮活動時,經常記掛著「妹妹」,活動後也歸心似箭︰「我都有同『妹妹』講,如果太辛苦就唔好掛住我;醫生都想盡一切方法,紓緩佢嘅痛楚,不過醫生叫我帶佢返屋企,等我多啲時間陪下佢,我會好好珍惜呢段時間,所以做埋今晚(前晚)之後,我都會停工幾日,休息陪下佢。」
出席活動後,軒仔昨日凌晨零時開IG直播與粉絲傾心事,至凌晨兩點多,Tyson Yoshi亦加入直播。期間Tyson Yoshi不時忘我爆粗,軒仔笑言︰「呢個live唔畀講粗口呀…不過算啦,如果你繼續講,我陪你講啦!」之後兩人更探討粵語粗口用法,以及內地人爆粗的習慣,火花十足。
凌晨開Live探討粗口文化
軒仔邀請Tyson Yoshi(左下)及家謙(右下)開直播,三人儼如「大細路」一樣。(IG截圖)
及後兩人再邀請林家謙加入直播,素顏攤在床上的家謙全程未有「露面」,僅以黑屏幕或濾鏡「現身」,似乎甚有偶像包袱。三子在直播中不時互窒,又大玩濾鏡,三人搞笑互動至凌晨三點,吸引過萬網民收看。
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票