08/11/2021
被何雁詩質疑造人能力 鄭俊弘搞笑反擊︰我驚嚇親你
【晴報專訊】去年11月7日結婚的鄭俊弘(Fred)與何雁詩(Stephanie),因新冠肺炎疫情影響,延至昨晚才在九龍一間酒店補擺盛大婚宴。早前曾傳懷孕的的Stephanie昨日性感亮相,身材fit爆,她笑言會跟Fred盡力「造人」,更乘機向老公挑機︰「睇佢(Fred)能力有幾多。」認真唔畀面。
何雁詩身形依然纖瘦,以行動否認懷孕傳聞。
鄭氏夫婦忘我咀嘴曬恩愛。
鄭氏夫婦昨晚筵開38席廣邀親朋好友,順道慶祝結婚一周年。兄弟姊妹團包括蔡思貝、賴慰玲、吳嘉禧、羅天宇及張頴康等,至於C君(鄭詩君)、洪永城、陳煒、譚嘉儀等亦有到賀;會場外以紫色花海布置,非常浪漫。Fred及Stephanie亮相受訪,Stephanie穿上低胸修腰婚紗登場,完全零孕味。二人異口同聲指昨晚擺酒不及一年前行禮時緊張,Stephanie稱︰「上次規模細啲,今次多親友及公司(TVB)同事。」
兄弟團之一的張頴康(左三),笑言已預留BB衫給老友。
Fred靠餐蛋麵打氣
Stephanie昨午在IG上載Fred食餐蛋麵的照片,她笑指老公擔心婚宴時無暇進食而「打定底」。問到結婚一年是否經常被親友催生B?她笑說:「主要係傳媒催我哋多啲,大家都好心急,我哋會盡力,都要睇佢(Fred)能力有幾多。」慘被老婆質疑的Fred反應甚大稱︰「質疑我嘅能力?大佬,我驚嚇親你。」
轉載自: 晴報
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情