【晴報專訊】陳豪與龔嘉欣昨日出席新劇《四十二章經》拜神儀式，出名友善的陳豪最近獲100位台前幕後選為「TVB人前人後都咁Nice嘅藝員」，陳豪搞笑指獲得嘉許全因經常請同事吃東西，又帶咖啡機開工請同事歎番杯。

龔嘉欣與陳豪的角色前世分別是鰲拜與康熙，設定鬼馬有趣。

　　陳豪、龔嘉欣及鄺潔楹等昨日以破格造型現身，提到早前無綫FB的《思家大戰》觀眾有獎遊戲中，訪問100位TVB台前幕後，講出「一個TVB人前人後都咁Nice嘅藝員」，結果陳豪榮登榜首；而不少網民留言大讚陳豪私下亦親民友善。陳豪昨日講笑指全靠平日消費不少，才能獲此榮譽︰「開工時乖乖地多啲請人食嘢，唔好計較咁多。（帶埋咖啡機開工？）其實同事都係做我嘅白老鼠，哈哈。」身旁的龔嘉欣大爆當年拍《金枝慾孽貳》橫店外景時，陳豪已帶咖啡機北上開工，更半夜炒定咖啡豆，以便沖咖啡給同事品嘗。

鄺潔楹變爆炸頭

鄺潔楹放棄甜美形象，打扮十分誇張。

　　另外，陳豪在新劇中演中文教授，對白中有不少詩詞歌賦︰「我背詩詞歌賦梗係無問題，直頭可以兩步成詩。（唸詩冧太太陳茵媺？）寫畀老婆就用英文情詩啦。」龔嘉欣的「美人生鬚」造型搞笑，原來她在劇中飾演「豬肉婆」，前世更是鰲拜︰「拍攝前我成日去豬肉檔企半個鐘望住人斬豬肉，好多人用奇怪眼光望住我；不過我好快上手，大家仲讚我斬得好平均。」

　　同場的鄺潔楹以爆炸頭亮相，她笑言拍攝時需要駁假髮，又要化雀斑粧，要花一個半小時準備。她最近投資五位數字開設網上曲奇餅店，又與伍富橋等人合資七位數開健身室，她揚言要做事業型女性。

林景程昨日以「波叔」貼身look示人，他擔心有「現形」危機。