31/01/2024
郭嘉文於Twins演唱會淚流滿面!疑與李澤楷分手後觸景傷情?
郭嘉文2016年被爆戀上超級富豪李澤楷「小小超」後,就不再眷戀電視台生活,之後一年離開TVB,兼絕跡娛樂圈。榮升「千億女友」後生活富貴,經常與「小小超」結伴出入高級場所,不過自從2020年開始此景不再,2021年有傳二人分手,郭嘉文更遷出豪宅搬到村屋生活。郭嘉文近日大部分時間都跟閨密「出動」,昨晚聯同林凱恩(Iris)和鄺潔楹(Judy)一齊睇Twins演唱會,竟然觸景傷情落淚?
(資料圖片)
Judy在IG分享三位好姊妹一齊睇Twins演唱會的影片,片中Judy心情High爆,全程拎住熒光棒當咪大大聲跟住唱《二人世界盃》、《眼紅紅》等等,其中唱到「然而我越說越激動...」時,Judy更激動到大走音,非常搞笑。不過鏡頭一轉,當Twins唱出《相戀6年》時,三女竟然齊齊激動落淚,其中郭嘉文眼淚直流,見到Judy拍片都不太想露面,似乎觸景傷情,難掩傷心的淚水。
郭嘉文參選《2015香港小姐競選》獲得季軍,當選後即加入TVB,2年後便離巢。當時她曾經參演電視劇《廉政行動2016》及擔任過《東張西望》的主持。2016年情人節時,Karmen被揭與有超過340億港元身家的「小小超」李澤楷同遊日本後,即在2017年與TVB提早解約。之後Karmen於IG分享坐遊艇出海照及收花和戒指的相片,也購入九龍塘逸瓏天池屋,成交價1.068億元。Karmen和李澤楷在多次被目擊到多國遊玩後,曾被傳媒問到兩人感情狀況。李澤楷首度回應:「We are fine, thank you.(我們很好,謝謝。)」2019年她與李澤楷一齊出席賽馬日活動時,兩人更大方企定定任由傳媒拍照,似是間接向外界承認戀情,不過近年兩人再沒有「同框」出現,經常被傳出「分手」。
(林凱恩IG)
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票