【晴報專訊】黃子華、鄧麗欣（Stephy）及張繼聰等昨日到牛頭角出席賀歲電影《飯戲攻心》記者會，子華與戲中弟弟張繼聰及Stephy大玩三角戀，他指戲中每一餐飯都設計出一場陰謀，相當有追看性，他更自爆早年曾拍一場食飯戲時，嬲到掟劇本。

Stephy與黃子華的親熱戲只是點到即止。

　　黃子華昨日與鄧麗欣、張繼聰、王菀之（Ivana）及林明禎等出席記招，一眾演員及導演陳詠燊舉行新年傳統習俗「撈起」儀式，預祝電影有好成績。子華透露今次是被劇本打動而接拍︰「好耐無收過完整劇本，戲中食完幾餐飯延續會有陰謀，好有追看性同刺激，又有喜劇效果。」他更自爆早年曾拍過一些毫無意義的食飯戲份，令他十分生氣：「我拍咗十幾日都真係食飯，直頭嬲到掟劇本出冷巷。」

眾人齊齊「撈起」，寓意賀歲片票房大賣。

　　子華又指新片並非一般胡鬧喜劇，演出難度非常高︰「太搞笑會變胡鬧，所以角色要拿捏得好準確，不過都過足戲癮。」首次與子華合作的張繼聰，笑言與子華對戲沒有怯場，子華聞言笑說：「阿聰最怯就係成日叫我子華哥，佢好兄弟白只、朱栢康都係叫我全名，佢突然將自己降級。」他又大讚阿聰是非常全面的演員，甚麼角色都難不到對方︰「我依家叫定佢做聰哥，代表預見佢將來嘅成就。」

王菀之揸完巴士揸鑊鏟

　　女主角Stephy在戲中周旋於子華和張繼聰之間，關係錯綜複雜。Stephy說：「開頭對住子華都有少少壓力，但我哋今次有好多對手戲同圍讀，期間大家認識咗，佢又好nice，令我減少咗壓力。（同子華有親熱戲？）有少少，始終係賀歲片，所以唔會太激烈。」至於Ivana在電影《阿索的故事》中揸完巴士後，在今次新片中則轉揸鑊鏟，她笑言︰「喺每部戲中都有得自我增值，好抵呀！」Ivana笑言沒有廚房恐懼症，更自誇擅長刀功。