《拆彈專家2》片場過生日 劉青雲叫郭藹明唔使送禮物

　　【晴報專訊】劉青雲昨日57歲生日，早前獲電影《拆彈專家2》導演邱禮濤及台前幕後工作人員在片場慶祝，並收到一個別出心裁的炸彈造型生日蛋糕，逗得青雲開心不已。

劉青雲笑言某年生日要在殯儀館拍戲，非常難忘。

　　劉青雲在《拆彈2》中與劉德華並肩作戰，又跟拆彈隊員吳卓羲、黃德斌及趙永洪等有不少對手戲。向來敬業樂業的青雲，原來已非首次在片場過生日，他說︰「我哋呢一行，好多時都喺片場過生日，我成日都同人講，唔好話畀人知係我生日，不過今次就揚啲！最難忘嘅一次試過生日喺殯儀館取景。」對於一眾「拆彈隊員」跟他慶祝生辰，青雲表示︰「大家同一team人一齊拆彈（生日蛋糕），感覺好似劇情一樣，所以好開心。」

老婆甚少探班

郭藹明

　　至於太太郭藹明會否跟他補祝生日？青雲甜絲絲表示︰「走唔甩，我相信一定仲有一個生日蛋糕。（太太不到片場送驚喜？）佢唔會嚟片場，佢知道嚟片場唔係太好，因為大家都做緊嘢，佢好少去片場探我班，因為佢知道我性格。」

　　「愛妻號」青雲更叫太太不用送禮︰「真係需要嘅嘢應該都有，未有嘅嘢都係無咩需要，買咗放喺度唔用會好浪費。」是否不喜歡收生日禮物？他解釋︰「唔係唔鍾意，但唔需要破費，大家開開心心食飯咪得囉，其實送禮係一件好難嘅事，收咗人哋嘅生日禮物，人哋生日又要諗送咩畀人，都幾吃力。」至於生日願望，青雲希望所有事順順利利，大家生活開心︰「我相信只得一個人開心嘅世界，係唔會開心，所以我希望大家都開心，好好過日子。」