22/10/2015
前夫劉坤銘撑羅霖冇整容
【晴報專訊】半百美魔女羅霖近日再傳變臉,不但被指多了蝦餃下巴,更驚現大細面。羅霖前夫劉坤銘昨日指前妻沒有整容需要:「睇相佢靚咗,不過唔會唔認得佢。」
本身圓臉的羅霖愈見面尖
劉坤銘昨日出席兒童時裝騷,為有份行騷的細仔劉子晉打氣,前妻羅霖則身在泰國拍戲而缺席,反而羅媽媽現身撑外孫。有報道指羅霖大執容貌,劉坤銘自言甚少見到前妻,但不覺對方有變樣:「差唔多,瘦咗啲。」靚到唔認得?他冷笑說:「咁又唔會唔認得。」信不信羅霖整容?他說:「我諗佢冇需要執。」另外,報道又指羅霖獲兩位富商照顧,劉坤銘說:「我唔清楚佢私生活。」目前單身的他自言不抗拒再婚,就算再見到羅霖亦不覺尷尬:「始終我哋係三個細路嘅父母。」
羅霖:我抗拒太假
羅霖(右)接受有線主播郭志美(左)訪問,承認接受過醫學美容。
至於羅霖日前接受有線訪問時,堅決否認整容:「我接受過醫學美容,但並非整容。我打過蛋白溶線針提升面部,收緊毛孔,成件事好靚、好自然,我好抗拒太假、太誇張嘅整容。」她認為內涵比外表重要,「我唔會過於執著自己個樣。」
劉子晉(右)昨日不肯與父親合照,反而開心跟婆婆(左)合影。
轉載自: 晴報
【你點睇】港隊參加奧運氣勢如虹,你認為港隊可獲多少獎牌?會點支持港隊運動員?► 立即投票