相信你同我心裏都會有疑問，為何不直接派錢呢？原因是財政司司長陳茂波預計消費券對本港經濟有0.7%的提振作用，希望可以幫助本地的中小企。按財爺目前的說法，消費券不是隨大家喜歡點使就點使，除逐個月發放$1,000兼不可以累積之外，就連日常必要開支好像是交通費、水電費等都未必用到！依編輯所見，是時候要諗定點樣用得其所，又可以確保每月使盡$1,000……

      如此令人「驚喜」的措施公布後立即惹來熱議，有市民斥責官員「不食人間煙火」，不約而同地批評措施「離地」，根本無助解困！在一個聯合電台節目上，有聽眾就表示「好多人連食都無得食，咁點消費，餓死都未到七月啦，不如實際啲派錢喇」；亦有聽眾覺得財爺不清楚基層市民的生活，「唔係真係咁多嘢買，想儲起啲錢，又要每個月使晒」。

      當然，亦有人認為，去年已派錢$10,000元，今次派發消費券的原意就是想鼓勵大家消費，對於中小企或各行各業來說，消費券理論上是可刺激生意額，繼而刺激經濟。看來，政府要花心思研究消費券的實行方法，若果如坊間流傳需要動用6億行政費，但限制多多，措施只會是勞民又傷財！真心期待政府稍後的公布。