• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

20/03/2025

澳門萊茵咖啡 家庭式葡菜小店,必食乳豬飯 . 非洲雞

  • macau.d

    macau.d

    土生土長,帶你尋尋覓覓,發掘在地人 . 情 . 味

    魅遊澳門

    逢星期四

Photo: 相片由作者提供

  在澳門咖啡店開得滿大街都是的今天,在廿多年前媽閣區河邊新街附近,只有一間小小的咖啡店——萊茵咖啡,咱們一家人更是十多年的老顧客,每有朋友來澳門玩,都是頭號必到的心水店。

 

小店位於媽閣附近,門面有點老舊,一不留神很容易便錯過了。

 

  萊茵於2003年開業,店內裝潢陳設充滿懷舊感,放滿了舊相片、海報,櫥窗內更有不少陳年相機、玻璃瓶及咖啡杯等供欣賞。老闆娘陸小姐表示:「廿多年前,我見媽閣呢區冇我哋呢類咖啡小店,覺得應該有得做,於是便開始構思,剛好我很喜歡舊物的氛圍,於是便將收集到的舊物放到店內,成就了這間懷舊小店。」

 

只有十多個座位的萊茵咖啡,若在午飯時間便座無虛席了。

 

牆上裝飾了不少舊電影海報,平添一點懷舊色彩。

 

櫥窗中放滿了舊相機、玻璃瓶及咖啡杯,很多自開業已放在那裏,都變成真的「古董」了。

 

  老實說,要介紹萊茵,還真有點不知從何說起,開業廿多年,小店有點老舊,多年平實而變化不大的菜單,絕非時下那些熱門的打卡網紅店,那究竟有何吸引呢?!應該是老闆娘的家庭式葡菜吧!性價比高之餘,更是不少當地人的飯堂,食物質素媲美不少葡菜餐廳。

 

到萊茵基本都不用看餐牌,看牆上這手寫的推介就好了,非洲雞是必點。

 

  雖然話係咖啡店,但萊茵的咖啡品項其實不多,反而餐點當中卻有不少拿手菜,好像非洲雞、葡式燴乳豬飯、芥末蜜糖豬仔骨、紅燒乳鴿等等,都是我到店會反覆order的必食菜式。

 

雖然說這兒的咖啡選項不多,但其實也有廿多款,最受歡迎的還是萊茵咖啡。澳門幣23元。

 

絲滑的泡沫咖啡,打卡首選。澳門幣37元。

 

  說是家庭式葡國菜,因好多菜式在陸小姐手上已不斷變革。「我個人喜歡食同煮嘢食,好多葡菜喺煮嗰陣都會略作變化,以符合本地人的口味,慢慢便演變出自家的味道。好似非洲雞,最重要係醬汁,當中除了紅尖椒乾蔥肉等,我加了令醬汁更香濃的花生醬;正宗葡菜係將醬汁混合雞同煮,我卻會將雞用味水(混合了多種調味料的醬汁)浸過夜醃至入味,有order嘅時候先炸雞,再燴一下醬汁上桌,食落皮脆肉入味,本地客人都覺得咁比較香口。」

 

非洲雞的醬汁竟然加入了花生醬,入口更香濃。澳門幣78元。

 

紅燒乳鴿本來是配飯的,因實在太愛他們的意粉,特別改了選配,乳鴿肉嫩不乾有肉汁。澳門幣85元。

 

葡菜似乎唔少得馬介休,這個飯炒得乾身,鑊氣一流。澳門幣58元。

 

  陸小姐經常會吸收客人嘅意見後加以改良,好似芥末蜜糖豬仔骨,本來是芥末混合蜜糖同煮,後因有客人不太接受芥末的味道,便改而將芥末分開上桌。葡式燴乳豬亦會先用味水醃過夜,略煮熟之後炸,然後用紅腰豆、蔬菜、高湯等燴煮,味道會更加濃厚更有層次。

 

芥末蜜糖豬仔骨的芥末是只放碟邊上桌,豬仔骨煮得入味兼火候剛剛好,十分惹味。澳門幣66元。

 

葡式燴乳豬飯是葡菜的經典,但萊茵的煮法又和傳統有所不同,炸過的表層個人感覺略硬,但內裏肉質卻香濃入味,就連配菜亦特別下飯。澳門幣90元。

 

  個人推介鮮茄意粉必點,意粉軟硬適中唔會太腍,醬汁亦不會太水,只僅僅附在意粉上,非常香濃;陸小姐話:「當中醬汁最緊要係靠靈魂湯底,以大量蔬菜每天新鮮熬製,意粉亦是每日現煮,唔會放隔夜,意粉食落口感保留一定硬度,若煮太腍再回鑊煮,就會冇咁煙靭,缺乏口感。」

 

心水推介是鮮茄雜菌意粉,意粉軟硬適中,香濃的醬汁僅僅附在意粉上,吃起來不會水汪汪的。澳門幣45元。

 

  都說飲食業辛苦,陸小姐又愛凡事親力親為,下廚的工夫都由她一手包辦,每天一早七點已在店內準備,八點開門營業,一直忙到下晝三點多過了繁忙時間,便開始準備第二日的食材,沒一刻停下來。廿多年下來,當中有苦有樂;「總括嚟講都係開心多過唔開心嘅!除認識到一班熟客,閒時搵我傾下計,其實都冇諗過可以開到一間自己喜歡嘅咖啡店,算係有一點點成功感啦!雖然店舖細細,但小店更有人情味嘛!」

 

老闆娘陸小姐話,店內多款菜式的美味秘密,來自這煲以多種新鮮蔬菜每天新鮮熬製的靈魂湯底。

 

Info :

澳門萊茵咖啡

地址:澳門河邊新街豐順新邨第4座290號及292號

電話:853-2896 5810

營業時間: 8:00AM-6:00PM (逢星期三休息)

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

《說說心理話》遺體修復師分享入行過程!初入行有冇心理壓力?「無言老師」計劃推行初衷?► 即睇

我要回應

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

最緊要健康
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ