07/10/2015

夜蒲裝扮指南

  • 加入最愛專欄
  • 收藏文章
  • 妮洛

    妮洛

    浸過幾年鹹水的港女一名,喜歡港男的同聲同氣,卻不算特別鍾情港男。
    愛幻想,愛浪漫,貪玩又愛簡單的雙重性格,喜歡戀愛也享受自由。
    最想擁有的不過是簡單的愛情,而簡單的往往最難 ...。

    港女講男

    隔周二更新

  夜蒲最令人神往之處是在場內五光十色的燈光下,雙眼朦朧之際,舉著酒杯,半醉半醒地擺動著身體,擺脫白晝的束縛,讓酒精陪你渡過一個瘋狂的長夜。

 

  無錯,我喜愛夜蒲,幾杯過後在dance floor忘我地搖曳著,狂歡或放縱,最緊要盡興。

 

  夜蒲是想去瘋狂或旨在覓食?去玩當然要開心。我享受在clubbing認識新對象,沉醉於那故作被動,又想放電調情的時刻。

 

  夜蒲還夜蒲,站在場內的我不等於是件商品,任誰都可以觸碰,要玩都只揀quality men,純為抽水,話無半句卻想帶你離場的大蒲友,sorry,我無興趣!

 

  Clubbing這地方,真真假假大家心知,去得這些地方的人,都不會只為小飲怡情或和朋友social,去relax是理由,想識人是目的。你的一身裝扮,絕對決定你今晚運程,夜蒲前讀一讀裝扮指南,你會有得著!

  

衣著切忌「蒲」味太濃

  夜蒲不是「點相」,找「下場」的遊戲,去玩的獵食過程 - 互相看對了眼、埋身、調情、到欲拒還迎、互牽引,男女間的情感角力才最好玩。

 

  衣著裝扮切忌「蒲」味太濃,一襲夜蒲戰衣,露個北半球、夾死螞蟻的事業線,上衣鬥低,下半身的裙鬥短…如此的打扮等於貼上「歡迎自取」。要玩,都要玩得有格,你不是場內的一件物品,讓人予取予求。

 

  我當然不是叫你出來玩都要扮清純,但當你露上又露下,場內男人直盯著你努力端出來的身材,會approach你的是哪類人?連你名字都轉頭即忘,少少時間調情都不願,卻只想摸你,滿腦子想盡辦法擄走你的大蒲友,你要不要?

 

  衣著要「進可攻,退可守」,一條背心裙總對是最佳裝扮。需要放電時可輕露身材,還可以佯裝是下班後和朋友消遣,掩蓋自己是夜場常客的身份,去玩,都不要太明顯。

 

化妝請勿太嚇人

 

  每次去LKF都會見到不少「新奇有趣」的打扮,有時真的嚇到我心離一離!

 

  去玩個妝當然會濃一點,我知…但blend到上眉毛的smokey eye,幾層眨啊眨、飄啊飄的假睫毛、大到幾乎蓋過眼白的大眼con...夜場半暗的燈光再加上這種妝扮,其實好嚇人!男人會有幾識欣賞?我只知道大家都會掩著嘴笑,幻想卸妝後剩下的眼耳口鼻…或是共赴巫山後,早上醒來認不出身邊那位的情景!

 

  另一種反面教材就是自信心爆棚,決定素顏示人!青春是本錢,但全素顏、膠框眼鏡、tee加腳踏波鞋,甚至戴著銀色牙箍,站在club的門口,拿著ID等入場。我以為自己行錯,去了Central Library,抬頭再三確認,無錯,我的而且確站在Zentral 門口!

 

  夜蒲要化妝是常識,但妝太濃會讓人倒胃口,我是平日去玩,不是萬聖節,更沒興趣看川劇變臉!而那些極端到妝都不化,戴著眼鏡,然後說自己去夜蒲的人,我更想叫他們回圖書館比較好!

 

  Smokey eye、假睫毛最好適可而止,無謂化妝前後落差太大,嚇親人。我去玩都奉行淡妝的原則,無需誇張的眼妝,啡色眼影、配上眼線、睫毛膏,妝容完整漂亮就夠。你無需問我為什麼夜蒲都只化淡妝,記住「蒲」味太重,會影響你是日運程。

 

  祝大家覓食和被獵都順風順水,在LKF旅途愉快!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

送禮活動浪接浪!想緊貼著數活動消息?即Like etnet Facebook專頁!► 立即讚好

我要回應5
You May Also Like
沒有相關資料。

版主留言

Comment

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • Satoshi發表於 2015-10-8 09:02 PM
  • #6
  • 化妝是必須的,就算係靚到暈既鬼妹們都係要化妝,有D人素顏都可以好靚,但化妝係為左畫龍點精,吸唔吸引到想要既男人都係靠當晚個殼。
  • 回覆 | 引用 | 舉報
  • 麻呀呀發表於 2015-10-8 08:53 PM
  • #5
  • 朋友叫你落酒吧飲兩杯就跟埋落去危險,好奇心仲令你更危險,呢個地方正經人家千祈唔好去!
  • 回覆 | 引用 | 舉報
  • andylau28發表於 2015-10-7 10:40 PM
  • #4
  • 去夜蒲都唔使化行妝,夜場要睇你個妝都其實很難,而且夜蒲啲人多數睇你身材多過個樣,不過,離開夜場的話就除外,因為見到你個樣有點恐怖的話,就會即刻掉頭走。
  • 回覆 | 引用 | 舉報
  • yuenkimiko發表於 2015-10-7 08:55 PM
  • #3
  • 係吧見過有好多女仔著夾胸衫,有D仲好明顯係後加工,落去都咪以為個個都係神仙美女。
  • 回覆 | 引用 | 舉報
  • 吡吡發表於 2015-10-7 05:43 PM
  • #2
  • 睇穿哂你嘞妮洛我,你呢啲唔叫蒲,叫裝至啱,全部你所講出心裡嘅野,都只不過係各種各樣嘅裝扮。

    表面上,個個都唔得你純真的歡心,實情係你無法基於表面觀察到嘅野,去用你真純的、濃郁的心去認知佢地都係同你一樣需要那些內在不能摸到的、外在摸到亦不能的,即係那些弄得你不好意思的東西。

    今次你露哂啲底...牌,黎掩飾自己嘅純度,有原因架;因你內在純真度問題,認識外在因素經常攪到自己俾自己嚇到心仔離一離,咁就事事冇前因都會怕有後果。不過今次都好嘅對你黎講,起馬能講出自己心底話黎再俾自己面對,算有小小進步啦。

    一句講哂:你胆細、心大、面皮滑到給人的感覺又唔知你厚薄,實情你自己講唔出,冇野嘅,係咁架嘞個世界,開心啲啦下次去蒲,咪理人地又或自己係咪裝啦,玩得開心啲架!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
Jazz Up Your New Year
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ