2021-05-07Text: Ariel Chan, Yoko Cheung, Yan Yan Law

【母親節2021】Last Call！母親節開飯提案！城中最正米芝蓮名店套餐、打卡創意中菜、手工潮菜，一定揀到心水！

#都爹利會館 #海鮮 #大公館 #國金軒 #手工菜 #米芝蓮 #鏞鏞藝嚐館 #滿樂潮州 #母親節2021 #卅二公館 #餐廳推介 #母親節 #中菜 #餐廳 #粵菜 #名人飯堂

　　雖說只要有心，每一日都可孝順媽媽，每一日都可以是母親節；但來到真母親節，總不能兩手空空毫無準備吧！各位孝順仔女，還未找餐廳、訂枱同媽媽吃飯？太遲了！城中各大餐廳趁節日推出特色菜單及優惠，如果你還未選定，不妨考慮編輯特意精選的6間中菜餐廳，一來中菜定必適合媽媽口胃，二來一家大小開心share最啱！雖說都是中菜，但變化都很多；喜歡傳統手藝的，有選精緻手工菜，喜好新意思的，亦有新派粵菜，帶大家見識粵菜摩登一面；當然少不了備受肯定的米芝連星級菜式，一嘗舌尖上頂級享受！即睇有哪些推介，部分菜式數量有限，要趁早預訂！

1. 大飽口福兼有禮物收︰鏞鏞藝嚐館

　　鏞鏞藝嚐館推出了母親節限定套餐，分別設有晚市堂食和外賣menu，編者就私心推介大家帶媽咪親身去餐廳慶祝，因為堂食的menu格外豐富之餘仲有禮物收！一家人吃得滋味，媽咪又有驚喜，各位精明仔女一定識揀吧！

　　堂食有8道菜，第一道作為前菜的「鏞鏞五式拼盤」已經有驚喜！拼盤有鮑魚和鵝肝腸，夠豪華！來到鏞記旗下的餐廳當然不少得他們的名菜正宗燒鵝脾，皮香肉嫩又juicy，梗係要留畀媽媽大啖食！套餐包括陳皮蒸東星斑和荷葉飯等主食；還有魚肚羹和生煎大蝦；如果想母親節「大解慳囊」請媽媽食好啲，不妨考慮加$88將魚肚羹轉為「花腸蟹肉燕窩羹」；想吃得再豪華啲，就可以加$650將大蝦變「濃汁山葯龍蝦尾」！

鏞鏞五式拼盤（雞樅菌萵笋鮑魚、鹵水鵝掌翼、肥燶叉燒、生煎鵝肝腸、香麻海蜇）

（圖片由鏞鏞藝嚐館提供）

飄香鮮蝦荷葉飯

（圖片由鏞鏞藝嚐館提供）

母親節堂食套餐（四位用） $3,280

　　至於編者提到的禮物，可以放心，一定合媽媽心意！只要品嘗鏞鏞藝嚐館的母親節堂食套餐，就可以獲得一套天然護膚品，包括Pharmabelle檸檬瑪度娘手霜及怡神補濕花水；而且各位媽媽亦可以在6月30日或之前，憑換領信正本到Pharmabelle的專櫃免費歎一個手部護理，正！

Pharmabelle是一個澳洲品牌，主打天然植物精華和健康食品。

（圖片由鏞鏞藝嚐館提供）

　　想留在家中溫馨度過母親節？一樣可以食到老字號的菜式！鏞鏞藝嚐館同樣有四位用的外賣套餐，有6道好菜，好像是古早味蝦籽紮蹄、鏞記正宗黑鬃燒鵝和椒鹽大蝦皇等等；而且在家一樣可以食豪啲！餐廳特設3款精選海鮮給大家加配，有經典必吃的龍蝦伊麵（$680）、嫩滑「骨香東星斑球」（$880）和惹味的「雙蔥野菌炒鮮鮑魚」（$280），媽媽是海鮮迷就fit晒！