單身女注意！Package Lau睇呢啲！

　　呢幾日話題都離唔開書展同書，唔知大家會因咩準則去買書嘅呢？價錢？封面？定係成個Package？有Package Lau之稱嘅青年發展委員會副主席劉鳴煒，就同一班年輕人行書展，Jenny梗要去八吓！

 

 

自拍係指定動作啦！

 

「文史哲」獨愛後兩者

 

　　Package Lau成個「Package」，都可以話係一眾港女最愛嘅愛情小說男主角咁款。不過Package Lau就話自己唔鍾意睇小說，散文都好少睇，平時睇開嘅都係歷史書、哲學書呢類。佢仲話，睇歷史書就好似睇故仔咁，只不過係呢啲故仔係真實發生過咁啫，入面仲有好多教訓，可以應用喺生意、公共事務上面添！不過劉生，其實真係不妨睇下愛情小說……

 

Package Lau仲未得到大劉認同？

 

　　Package Lau而家作為社會知名人士，雖然唔少人都覺得佢一部分係因為「父幹」，但好大部分係因為佢自己對公共事務嘅熱心嘅！所以在場有年輕人就問佢覺得自己算唔算成功呢？佢即刻就否認：「我唔覺得自己係成功」！

 

　　佢解釋話，每個人對成功嘅定義都唔同，佢自己就唔Buy話做到社會認同嘅人就叫做「成功」，反而覺得要睇身邊嘅人點睇自己，就算其他人讚自己「Package好」都唔會理，只要係得到自己欣賞嘅人嘅認同就得喇！

 

　　Package Lau講到咁豁達，唔知佢身邊嘅人，例如佢爸爸又點睇佢呢？佢就高官上身咁款：「我唔評論個別屋企人啦……我對我身邊人點睇我，我冇意見。」跟著就離開咗。唔通連Package Lau都未得到爸爸嘅認同，所以先話「唔覺得自己係成功」？

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票