2016-12-29
聖誕PARTY變身 OL轉個身變師奶！
四日聖誕長假期放完，打工仔又係時候做隻「扮工」嘅喪屍，返公司捱騾仔。但貴為中環靚靚OL，就算長假後幾不願返工，都總會執到自己靚一靚，確保自己完美的女神外表才去上班。不過，看到一班步步優雅、四周圍散發住仙氣的OL，再回想起上星期Christmas Party時的強烈對比，真是看到我心情十分矛盾！
話說上星期五，公司皇恩浩蕩在中午舉辦Christmas Party，一班同事一於「爆seed」在上半晝完成所有工作，實行以Party拉開長假期的序幕。Party於十二時正開始，公司特意預留了一整層用作特別活動之用。(題外話：香港土地不足，有幾多人想搵個有瓦遮頭的地方都難。偏偏有錢人又喜歡丟空一些空間作為後花園，雖然今次的是商廈用地，卻難免感受到有錢老闆和自己的差距。)大軍準時向party floor前進，除了夾雜了一些holiday mood，都仍能保持隊形和仙女本身應有的儀態。大軍抵達現場，場內兩邊放滿食物和飲品，一邊是熟食，另一邊是獨立包裝的糖果、零食和飲品。此時，仙女終於也按捺不住，一秒四散向著獨立包裝區進發。美食當前，看不見她們進食，卻見她們把一包又一包的零食塞進身上所有衣袋。每個人都猶如米芝蓮車胎人一樣，擁有漲卜卜的假肌肉，再以螞蟻搬家方式把零食偷偷運出會場，帶回自己的座位。
隨著不同部門的同事陸續抵達，敵軍愈來愈多，溫文儒雅又機智的美女OL決定改變策略。
「不如我地用呢個紙箱啦！清空哂入面啲飲品，載滿一箱好過我地來回十次啦！」
「吓，咁誇張？會唔會唔係幾好，比人笑㗎？」
「驚咩吖，洗乜理佢地！你唔拎就比人搶哂㗎啦！快啲幫手啦！」
斯文大方的OL，隨即變成再也不理他人眼光的師奶，以小羞澀又不好意思的姿態把戰利品帶回座位。不過，巨變仍未完成。到了大抽獎環節，主持人在台上介紹出OL們想要的禮物時，又再發生一次巨變。
「下一份係女士至愛－Dyson吸塵機。想要嘅同事，準備好抽獎卷未？」
MC簡單一個問題，令昔日講句嘢都斯文到聽唔到的女同事，變成粗獷咆哮的失控師奶！畫面猶如韓國綜藝節目中，軍人看到女團的反應一樣，一樣可怕，一樣「猴擒」。雖然之後大家的仙氣都返哂嚟，但我反而有點喜歡暴走OL～
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【etnet 30周年】多重慶祝活動一浪接一浪，好禮連環賞！ ► 即睇詳情
