2016-12-02
中環女人,應該係Top Sales
令全美國人民為之瘋狂的Black Friday上星期五開幕,遠在香港的我們在網絡或電視上,隨處可以見到美國人瘋狂購物的短片。不過,原來Black Friday的侵蝕力,已蔓延至各大辦公室,擊倒數以千計的OL!
話說OL訂閱網上購物網站是常識吧?美國商家除了本土市場,當然不會放過網上的龐大市場。早在Black Friday開始前一星期,各大網購網站已通知了訂閱者online sale的訊息。OL們收到通知後,都蠢蠢欲動,在網上看定心頭好。到了大特價當天,即大手購入已看中的物品。不過,你精其他人都不弱,「筍」貨很容易就會被沽清。剩下的就只有第二、三線喜歡的物品。此時,中環女人Top Sales上身:
「買埋啦!諗咩呀?」
「但我想買黑色架喎⋯⋯」
「難得8折,一定平過香港買喎~橙色都易襯呀,成身黑蚊蚊你唔悶我都悶啦!買啦!」
「嗯⋯」
「我係你就買啦,一黎平過香港咁多,二黎同牌子買3個再9折呀!叫埋MiMi 佢地睇下,一齊夾啦!」
就這樣,同事簡單的sell你兩句,就讓你按下「add to bag」一鍵。同時,為了令自己的貨物可以得到更大的折扣,Top Sales軍團即追加一人,不停向其他同事埋手,向她們放毒。
「我都買咗呀,一齊買啦!唔同顏色咪得囉!」
「勁抵呀!試埋色就冇架啦!買左番黎唔啱咪同人交換囉!」
「買多個同牌子全單再有折呀,睇下男裝有冇嘢啱?」
「仲有冇friend想買呀?等埋佢囉!多個人買郵費除多份,仲平啲添呀!」
在收工前1/2小時,主辦人最後召集,確保眾人的訂單後便付費。由中毒到病發到擴散到敗陣,整個過程只需一個工作天,人均消費多謝一萬大元。(因為總有毫無自制力的同事,把平均數拉高)
能夠在短短八個小時內,成功召集公司上下每人消費萬多元,原因不外乎幾點。
第一, 互相的利益。愈多人加入,除開的郵費就愈便宜,自己要付的錢也愈小,自然有更大動力去招攬新買家。
第二, 女人的購物心態。一個人洗錢總是覺得不滿足,不知道為何總喜歡看到朋友也洗錢,所以會落足咀頭,拉別人落水,一起消費才心息。
最後,折扣的吸引力。女人對於折扣一向毫無抵抗力,而且Black Friday一年才一次,總覺得今次不買,就又要等下年。而且時間緊迫,沒有讓她們考慮的時間,機會難得,豈可錯過?
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
夏日中暑高風險!即睇中暑迷思+預防措施!► 立即了解