芥蘭炒臘腸

 

　　秋冬季節係食臘味的好時候，臘味配芥蘭去炒，大家都識得煮。

 

　　但係炒芥蘭要炒得好食，其實真係有尐難度。要薑汁及糖少，煮的時間太耐，菜會煮到變黃色，加入少許蠔油，能將菜式味道即時提升。

 

　　大家唔信就試下啦!　

 

材料 :

 

 

　　芥蘭 1斤、臘腸 1條(切片)、薑 5至6片

 

調味料 :

 

　　紹興酒 1湯匙、砂糖 1湯匙、雞粉 1/2茶匙、蠔油 半湯匙、熱滾水 1/4量杯  

 

做法:

 

 

　　1. 洗芥蘭，去掉花芯，瀝水備用。

 

　　2. 臘腸放在碟上，放入鑊內，隔水蒸5至7分鐘，放涼，切片備用。

 

　　3. 燒熱鑊，下油半湯匙，先將臘腸片加入炒香，盛起。

 

　　4. 另再燒熱鑊，下油1湯匙，下薑片爆香，加入芥蘭炒一會，然後加入調味料、1/4量杯熱滾水，蓋上鑊蓋，中火煮2分鐘，再加入調味料炒勻即成。

 

韋太小貼士:

 

　　炒芥蘭一定要薑味重，砂糖的份量要較多，而且要加入紹酒及少許蠔油，才可以將鮮味即時提升。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】機管局獎勵航空公司增往來香港航線，措施能有效推動航空業復常？► 立即投票