雞 全部植物雞

　　華人做節意頭最緊要Right，雞年將至當然係劏番隻新鮮雞，但求來年必做當紅炸子雞。但時至今日啲工業農場雞，幾乎都係濫餵抗生素嘅打針雞，耐藥細菌令人巧騰雞，十蚊九雞係真唔係雞？

　　若然唔知點樣煮好西，不如試下Beyond Meat植物雞，連Bill Gates都投資研發嘅未來雞，百分百植物研製，蛋白質含量傳統素食無得揮，中西煮法都無問題。去黃枝記可以食「傷心斷腸雞」，絲絲入扣加上陣陣麻辣，令人難以唔like。食西餐可以試下「香辣薄餅雞」，Pizza Express老闆覺得雞年想減少殺雞，大膽主打意式植物雞，靈感來自傳統賀年角仔，研發出脹卜卜好意頭嘅賀年薄餅雞。當然仲有Green Common的「海南米走雞」，化腐皮粉皮化成雞皮你咪話唔bright，加埋菇菌同「Beyond雞」，全城食過都嗌like。

Green Common海南米走雞

Pizza Express Beyond Chicken Calzone

黃枝記 傷心斷腸素雞絲

　　其實隻雞明明唔想畀人Bite，放條生路咪大家都Feel Right，冤冤相報條數好「襟」計，積番啲福德邁向大智慧。一於嚟Green Common大手「素」植物雞，雞年走雞先係潮流大趨勢，食得健康青春點會咁易逝，環保好心群雞報喜，好運跟住你一世！

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情