當局者迷，有時求職者太急於搵工跳槽，不知不覺會「鬼揞眼」，被「搵筍工」的慾望沖昏頭腦，愈搵愈搵唔到。想早日搵到好工的心情不難理解，不過建議求職者不要盲搵，白忙一場原地踏步都算，最慘是偷雞唔到蝕把米。

 

　　寫CV、度求職信、見工面試……忙到頭昏腦脹之際，不妨讀讀以下9句，即使一時無甚得著，亦保證不會有損失。況且，今日無感覺，難保他朝發現畢生受用。

 

　　1、搵工要搵份自己有興趣的，為求「走甩」而唔理好醜求其就手，只會墮入萬劫不復的跳槽漩渦。說穿了就是逃避現實。

 

　　2、CV和求職信不是愈長愈好，亦不是吹得愈勁愈好，最緊要到位。

 

　　3、搵工無捷徑。CV和求職信不能「係又send唔係又send」，每一套求職文件只能為某一個職位度身訂造，沒得偷工減料。

 

　　4、不管是寫CV、求職信，還是見工面試，都是熟能生巧的「技能」。

 

　　5、有想做的職位、部門或企業，即使沒有招聘廣告，求職者大可抱著不妨一試的心態寄份CV出去，或許會喜出望外；最壞打算亦只不過是「大不了咪唔請」。

 

　　6、今次跳槽成功，不一定就「打跛腳唔使憂」。任何一份工作都有辣有唔辣。

 

　　7、長期搵工還未有突破性發展的話，不一定是自己技不如人，有時可能只欠一個時機。搵工及面試過程中不斷自我檢討，從錯誤中學習，精益求精，不要放棄，保持正面樂觀，終有一天會找到心水好工。

 

　　8、唔使做，而又賺到大錢的高薪厚職……並不存在。

 

　　9、停一停，諗一諗。放鬆心情，盡力而為。

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】烏軍攻入俄國庫爾斯克州近兩周，並炸毀兩座重要橋樑，你認為俄烏戰爭會否急劇惡化？► 立即投票