80後窮小子揣1萬元闖韓 變出逾億王國

 

滿腦生意經極速度蹺

 

 

　　Ronny旗下最為人熟悉的生意，要算是s.a.wedding，這個一站式韓式婚紗攝影，單是在港每年接待約1,500對新人，連同台灣、澳門、廣州、深圳等亞洲地區，客人數目突破1萬人。「s.a.wedding個品牌值錢，每年做3,500萬至4,500萬生意，而One Day Tour也年做4,000萬至5,000萬元生意，餐廳一年先做180萬元生意，值咩錢？做生意其實係一個Game，係一個數字遊戲而已。」Ronny似乎已睇通睇透。

 

 

　　至於沒有失敗過？Ronny說要看如何介定失敗二字：「好似股票咁，放咗就失敗，唔放就唔失敗！」他說旗下餐廳開業5年來，沒有賺也沒有蝕，更反問這又算不算失敗？在訪問期間，Ronny說出多個生意點子。「我可以Freestyle咁Rap好多生意出來，就算同一個人傾偈，都可度身訂做一個新的生意畀佢。你可以當我係一個Business Marker，又可當我係一個Business Designer，我覺得每個生意都係不死，要工匠的精神去研究。」

 

 

靚靚老婆 成公司生招牌

 

　　在韓國這18年，Ronny默默耕耘，現時集團在韓國、日本、香港、台灣、澳門和中國的年總生意額達1億港元，先苦後甜的人生，更贏得美人歸，去年，Ronny與韓籍女友拉埋天窗。「有日冇嘢做，突然起身問女友：『結婚囉！』」兩人於是拿著身分證，再找兩名員工做見證簽個名，到政府部門登記，過程只需5分鐘。「她是韓國女仔，好靚女，冇整過容，最緊要係佢心地好，佢本來係做準備生做藝人，但覺得（業界）黑暗轉做模特兒。」講起老婆，Ronny隨拿出手機向記者展示她的靚相。事實上，他的靚老婆早已成為s.a.wedding的卸用模特兒，是名符其實生招牌。Ronny更笑言：「訪問剩係出她的相就可以，保證大賣！」

 

轉載自: 《iMONEY智富雜誌》

• 

想要獨家投資理財Tips？即Like etnet 全新Facebook專頁► 立即讚好

• 1
• 2
• 3
• 4
• 5
• 6