2017-12-29
80後窮小子揣1萬元闖韓 變出逾億王國
一萬積蓄闖韓國 先苦後甜創業路
19歲那年，Ronny選擇了自己的舞台，拿著僅有的1萬元，隻身出走韓國尋覓在港看不見的出路。眼淺的觀眾或會被感動，但幸好是苦盡甘來。
初到韓國，人生路不熟，Ronny幸得一位恩人收留，不過她的丈夫卻有微言，帶點傲骨寧餓死也不求人的他，留宿一宵後謝過姐姐就離開。當年，Ronny窮得只能租住月租700元、用磚頭搭建的屋塔房，那年冬天屋外氣溫零下10度，令全屋結冰，房子內也只有零下6度，就算有暖爐也沒用。這時，Ronny想起小時候看過430穿梭機教落一招：「細個睇電視學執報紙，在被內再墊報紙，因油墨係會暖。」Ronny試過在5、6度下沖凍水涼，令他全身生滿凍瘡，但他也不當一回事。「當時冇錢沖涼，一星期只能去舊式澡堂沖一次涼，約10蚊左右，係最幸福，因可瞓喺個澡堂6個鐘係最暖的！」
要生活有錢交租，就要工作，當年居韓的港人只能做導遊，Ronny順理成章加入旅遊行業。以前的旅行團是靠帶遊客購物賺取回佣，Ronny指自己做足功課，會跟客說明商品自身價值，所以價格相對貴的事實。「唔係自吹自擂，我係（做導遊）做得出色的，賺多佢哋3至4倍錢（貼士回佣），因而受到當地人欺負，有人會走埋嚟摑你兩巴掌說：『呢度係我哋（韓國人）地方，唔係你（香港人）地方！」事實上，在4年的導遊生涯中，每月有3萬至5萬元收入，Ronny明白「冇人唔鍾意錢」的道理，所以不會跟別人計較。
獲高薪職位學做生意
後來一個機會來了，因為一次義務幫手商業翻譯，被一間新加坡公司看中並高薪力邀加盟。也成為他的人生轉捩點。
Ronny指，物流是一個經濟愈不好愈賺錢的行業，因它可以幫人慳錢，更不諱言後期對他的生意有一個啟蒙作用。「我細個興趣就係搵錢，老師都笑，但呢個真係我唯一興趣，但搵錢唔係一個最終極答案，其實係一個成績，即你搵錢的方法在市場上係成功的，成績表就係錢。自己又學到在生意上要做甲方，因乙方要求人要低聲下氣，做甲方先有得揀，你可做玩人、刁難人的甲方，或做好友善的甲方，如做後者，乙方會覺得呢個甲方不同，生意關係就係咁Build Up出來。」
創一日團領旅遊潮流
在幾個月時間內，Ronny成功幫公司開設另一間公司，由於是新加坡公司，自問英文不好的他自言不想呃人錢，在完成任務後就辭職不幹。辭職後，Ronny遠赴美國紐約探望媽媽的親人兼讀英文，在當地生活9個月後再返韓國。
回到韓國後，Ronny做過貿易生意，後來開設滑雪舖的經驗，令他有所體會。「所有識我的人都唔會幫襯我，體會到生意唔可以靠朋友，即同保險一樣，你靠屋企人朋友，叫得幾多？所以一個好的Business係應該唔需要靠朋友。」讀過中五的經濟學，Ronny明白需求與供應的概念，起初滑雪舖的生意做得不錯，但後因滑雪場政策改變，令生意變差，合資友人更取回資金走人，只留番間舖給他。「如果當年執咗滑雪舖，今日的One Day Tour就唔會咁勁。做生意就好似係自己仔女，如失敗就要搵一個方法救自己仔女，用財務支持，自己公司借畀自己公司，自己還到咪還息，還唔到咪當投資失敗。」Ronny這一著就幫滑雪舖度過一個難關，及後更把滑雪聯乘旅遊，開拓當時前所未有的一日遊。「真心帶遊客去滑雪，不會去購物，現整個韓國都流行一天團，而我差不多壟斷Online和Offline客。」Ronny自豪地說，一日團至今已接3.5萬名旅客。
在2007年至2010年Ronny轉戰日本發展，開拓當時連日本人也未識未流行的BB Cream貿易生意，兼順道帶團。這一回為Ronny帶來人生另一桶金，皆因在日本生活3年期間，月賺高達38萬元，這筆資金足夠他返回韓國後，掃入不少不動產，現於韓國手持50個物業單位，更為他鋪下另一門介紹港人投資韓國樓的生意商機。
轉載自: 《iMONEY智富雜誌》
【香港好去處】etnet全新頻道盛大推出！全港最齊盛事活動資訊盡在掌握！► 即睇
