港股成交由上月初的逾一千億之上一路節節敗退，跌至九百億、八百億、到近日的僅得七百億左右。內地當局對托市依然束手無策，投資者毫無入市意慾，股災要時間重建，更煩更艱巨是市場信心，亦極待重建。短時間內成交恐怕將會更乾、更削。

　　在「災後新常態」下，投資者毋須太過著急、及對市況有不切實際的期望。

　　從大局審視之前的牛市，推高股市成為對經濟復甦的最有利招數，符合《孫子兵法》中的「圍魏救趙」策略。

　　事到如今，內地救市政策制定者，是否有足夠知慧施展同一招數，即以「圍魏救趙」進行救市，效法此前以股市救經濟的方法，掃起香港中資H股，從而燃起市場對A股的新希望。

　　憑藉香港市場的外向型本質，只要有資金掃高在港上市H股，即時可喚起市場對股價相對同一A股折讓甚大的H股投資價值關注度，當港股被資金推高，市場亦懶理資金來自何方神聖，股市見水即生，各路資金即時搵估值來解讀，亦有理由有殺錯冇放過，基金經理透過跟進買入在港上市中資股，既可以放心香港不會出現「能買不能賣」的荒謬騎呢政策，更可避免執輸行頭。

　　香港再發揮自由市場本色之餘，資金亦會順勢走進更大更深的A股市場找機會。

轉載自: 晴報

【etnet 30周年】多重慶祝活動一浪接一浪，好禮連環賞！ ► 即睇詳情