08/07/2022
讚亡夫廖啟智積極抗癌 陳敏兒︰佢想睇到兩個仔結婚
【晴報專訊】廖啟智(智叔)去年三月因胃癌病逝,終年67歲。ViuTV訪談節目《21克公寓》邀請智叔遺孀陳敏兒及次子廖文信任嘉賓,大談智叔去年得悉患上惡疾,由大受打擊到樂觀面對的心路歷程。敏兒說︰「醫生通知佢得番一個月命,佢都積極抗癌,話要睇到兩個仔嘅婚禮!」
《21克公寓》今晚播出最後一集,陳敏兒與二仔廖文信擔任嘉賓,今次亦是自智叔離世後,敏兒首度公開接受訪問,她談到智叔得悉患癌及治療的經過時,連主持阮小儀及陳健安(On仔)也不禁感動落淚。敏兒坦言,因毫無心理準備,所以得悉智叔患胃癌時,大家都受到極大衝擊。她指智叔平日每天跑山,生活健康,只因腸胃不適到醫院檢查,但驚悉患上絕症:「醫生當日即刻通知係胃癌,擴散咗去個肝度,佢(智叔)得番一個月時間。點想像到三個禮拜前一個咁健康嘅人去跑蚺蛇尖(山徑),三個禮拜後就同我講佢得番一個月命?」
陳敏兒指智叔生前注重形象,患病時謝絕朋友到醫院探訪。
廖文信(左二)陪伴母親受訪,十分孝順。
讚囝囝孝順溫柔
智叔與陳敏兒是圈中模範夫妻。(資料圖片)
敏兒表示,智叔從沒想過自己這麼快便將會離開,一度無法接受;但隨後智叔心情平復過來,選擇樂觀抗癌,更笑言想看到兩個兒子將來的婚禮。敏兒又透露,智叔臨終前要求一家人寫信,寫下一些肯定他的說話。至於智叔二仔文信,亦分享爸爸在病房時,特別叮囑他跟哥哥文哲,一定要代為好好照顧媽媽;兩兄弟亦學會承擔責任,好好保護家人。敏兒特別稱讚文信孝順又溫柔,因兒子的改變,令她感到十分幸福。
廖文信為網上頻道小薯茄成員,不時與女友Natalie放閃。(資料圖片)
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票