23/01/2024
中年好聲音2|陳慧嫻被質疑評分!網民不滿王玥分數高:係咪有後台?肥媽暗寸張佳添結婚兩次
周吉佩、羅啟豪、李佳、曹敏寶和顏志恒等一班《中年好聲音》的師兄師姐,於昨晚(21日)播出一集,分別跟「中二生」分組合唱,新一屆的參賽者爭入14強的局面。龍婷與王玥合唱《夢醒時分》,未找到和諧演繹只得82分暫時留在危險區,同時吳大強與鄭梓浩合唱《莫再悲》,同樣得82分暫留於危險區。
(大會提供)
(大會提供)
王玥唱《夢醒時分》,一改以往的衣著打扮,事前與龍婷有共適,以搖滾風格演繹歌曲,事後龍婷表示要以責備的態度鬧醒王玥不要愛壞男人,但評判覺得王玥太柔弱,這個表演未能取悅大眾評判的心,伍仲衡坦言:「王玥畀龍婷KO咗,平時王玥好溫柔,唱Rock係要有態度,但王玥你未做到。」至於張佳添亦有近似的睇法,還表示:「你要唱到好似要駁佢(龍婷)嘴,但你冇。」反而陳慧嫻就大讚好鍾意,覺得龍婷唱得好好,王玥要多謝拍檔,所以她畀18分。
(大會提供)
(大會提供)
而暫時得分最高有91分的安雅希和支嚳儀,二人合唱《如願》,唱出和諧感覺,就連支嚳儀的表演亦被受讚賞。節目播映出街後,不少網民大讚安雅希絕對是該集的MVP,但就不少人不滿,覺得王玥表現差,陳慧嫻畀18分,反而安雅希唱得出色,陳慧嫻反而畀較低,只得17分。
(大會提供)
(大會提供)
有網民在討論區批評,「王玥究竟係咪有後台?佢同上一屆嘅二家姐李思林一樣咁難聽,李思林有個國際天后細妹都捱唔到廿強,王玥憑乜嘢到而家都未 foul?」,之後留言的人都覺得王玥表現不理想,「王玥今晚無晒聲,可以不入危險區簡直超離譜」、「一定有後台,不可能走到現在」、「超難聽,只是運氣好」、「王玥唱到走音,又無氣,唱成咁,竟然又過到關,真係虐待觀眾,幾時Foul她呀」、「王玥唱歌無料,直情係比龍婷KO咗,可能配李佳會幫到佢少少咁多啦,不過王玥的水平去到中聲12強,簡直匪夷所思,或者可以畀其他將來要參加中聲的人,一點希望吧」、「陳慧嫻有病嗎?王玥畀18分,安雅希畀17分?侮辱觀眾喎」。
同場肥媽都「暗戰傷人」同樣精彩,她直斥沈宗賢與丁文俊合唱《假使世界原來 不像你預期》是揀錯歌,以揀錯對像結婚是錯誤,兜個大彎暗串曾兩度結婚的張佳添,她說:「你揀歌都要睇下啱唔啱自己把聲,唔啱都冇用,好似嗰啲成日離婚(嘅人),係咪呀?你要揀啱歌唔好學人哋。」她一邊說手指指向在旁的張佳添,使他非常尷尬。而肥媽大讚支嚳儀助安雅希唱歌,帶出水準,連出名手緊畀低分的伍仲衡也被感動:「最緊要感動到呢件咁嘅嘢(伍仲衡),呢件嘢係冇血性嘅,但而家佢好有人情味。」
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇