11/07/2023
《靈戲逼人》成告別作? 蔚雨芯專注美容生意強調靠自己
【晴報專訊】歌手出身的蔚雨芯(Rainky)近年主力發展美容事業,偶而拍攝無綫劇集,在新劇《靈戲逼人》中飾演張振朗女朋友Karen。Rainky坦言目前專注生意,快將30歲的她,將展開人生新一頁,加上滿腦子大計,預告《靈》劇隨時是她最後一套劇集。
下月30歲的蔚雨芯,希望有能力多做善事。(IG圖片)
蔚雨芯與張振朗首次合作拍劇,她慶幸跟對方早已認識,所以演情侶不會尷尬。除了客串《法言人》外,對上一次拍劇,已是兩年前的《十月初五的月光》,Rainky接受本報訪問時坦言︰「拍劇始終花好多時間,嚟緊有其他人生規劃,所以講唔定今次係短期內最後一套劇集。」Rainky近年專注美容生意,不時在社交網大曬獨立屋及奢華生活,她開腔回應忽然富貴的指控︰「真係清者自清,我屋企人係白手興家,父母做嘅旅遊巴生意好成功,喺我小學時期就已經可以退休,加上佢哋鍾意投資,依家中港兩地都有物業收租。」Rainky重申一直靠自己,「初入行我收入係好好,加上五年前搞美容生意,賺到人生第一桶金。」她本來不打算多解釋,但不想傳聞影響父母。
蔚雨芯預告《靈戲逼人》播畢後將暫別觀眾。(電視截圖)
望仿效古天樂起學校
早已財務自由的Rainky,期望美容院生意更上一層樓,從而有能力做更多善事,「我好想好似古天樂咁起學校,或者助養小朋友,人生唔好淨係識賺錢,應該要回饋番社會。」下月滿30歲的Rainky,不時被父母催婚,她說︰「雖然細佬生咗兩個小朋友,但媽咪都不斷催我快啲結婚,因為佢想再抱孫。」她承認有追求者,還在了解中,「希望搵到專一又夾得嚟嘅另一半,有好消息一定話畀大家知。」
身材惹火的蔚雨芯出道已有「魔鬼胸」之稱。(IG圖片)
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇