04/04/2023
婚後下「禁摸令」 湯洛雯年尾外地嫁馬國明
【晴報專訊】湯洛雯(靚湯)昨日出席復活節活動,準人妻容光煥發現身,即被追問與馬國明的婚期。靚湯受訪時透露,婚禮選擇在外地舉行,但堅拒透露地點︰「婚期都未必想公開,大家畀番少少秘密我哋,想細細哋唔會大搞。」靚湯直言婚禮籌備進度僅百分之十左右︰「未必搵婚禮統籌,但我有好多嘢都唔識。(婚禮在夏天定冬天舉行?)年尾,我哋兩個都怕熱,行禮大汗疊細汗火都嚟埋。」她其後才透露會在東南亞地區完成人生大事。
靚湯笑住投訴馬明把二人的私下對話公開。
早前靚湯與好友到日本旅行,是否順道視察場地?她即甜笑謂︰「我唔想好似馬明咁食咗誠實豆沙包,將我哋情話都攞出嚟講,不過率直都係佢嘅優點。」對於有指對馬明下「禁嘴令」,靚湯笑謂︰「我對佢嘅限度係唔好摸,錫就OK。(看了馬明與唐詩詠的《隱形戰隊》床戲?)我有睇預告,睇佢咁做好搞笑。」
轉載自: 晴報
【你點睇】本港無人駕駛自動車最快本月底試運,你會否乘坐?► 立即投票
我要回應