21/07/2022
韋家輝讚Fit爆 劉青雲自封慢動作演員
【晴報專訊】劉青雲前晚出席主演的新片《神探大戰》首映禮,青雲與身兼監製、導演及編劇的韋家輝事隔九年再合作拍攝《神》片,韋家輝指青雲是他最愛的男演員,更即場「表白」:「我對青雲一見鍾情!」認真搞笑。
劉青雲與韋家輝再度合作,迎來內地票房佳績。
劉青雲及韋家輝這對「黃金組合」,前晚與湯怡、吳浩康(Deep)及張敬軒等出席電影《神探大戰》首映禮。新片在內地上映至今,票房已超過四億人民幣,青雲及韋家輝十分滿意成績,韋家輝更指青雲是他頭號最愛的演員:「我好專一,對青雲一見鍾情,我鍾意佢深不可測,隔幾年又畀到新感覺我。」他受訪時繼續狂讚青雲:「佢真係愈嚟愈fit,一埋位就畀足101分。」
提到片中有大量動作戲,青雲笑說:「唔會嚇怕,我不嬲都係動作演員,不過係慢動作演員,(動作戲)唔使快嘅,韋生好清楚我做到乜,信任同安全好緊要,劇組遷就我。如果觀眾想睇,我都會繼續拍,不過都係慢動作,哈哈!」
吳浩康陪老婆聽鬼故當胎教
Deep擔心郭思琳順產時十分痛楚,屆時會入產房陪伴太太。
同場的Deep與懷孕八個月的太太郭思琳恩愛現身,腹大便便的郭思琳指九月預產期將近,心情開始緊張,Deep則表示屆時會陪太太入產房。提到《神探大戰》是懸疑片,郭思琳不擔心劇情刺激腹中BB,「我同BB聽鬼故當做胎教,朋友都覺得點解要聽鬼故,人哋胎教聽莫札特同貝多芬,我哋就聽潘紹聰。」身旁的Deep隨即表示,平日也會播放聖經及自己的快歌給BB聽,平衡一下。
轉載自: 晴報
夏日中暑高風險!即睇中暑迷思+預防措施!► 立即了解