15/07/2022
潮玩《壯志凌雲》 何啟華自封港版湯告魯斯
【晴報專訊】「宇宙天團」ERROR成員何啟華(阿Dee),昨日在新廣告模仿荷里活男神湯告魯斯(Tom Cruise)在《壯志凌雲︰獨行俠》中的飛行員造型,化身湯「咕嚕」師硬銷米線,大曬扮嘢天份。他自誇小時候已被鄰居稱讚似靚佬湯︰「我本身同佢有八分似,我再加少少眼神,就十分似了。」果然夠癲。
將於下月踏入31歲的「ViuTV一哥」何啟華,近月工作不斷,除了剛完成與黃子華合作的新戲《毒舌大狀》,他拍攝的米線店聯乘外賣平台廣告,亦於昨日推出。廣告中,阿Dee「神還原」型男湯告魯斯在《壯志凌雲︰獨行俠》的Captain Maverick飛行員造型,穿上印有「Spicy」字樣的綠色飛行員軍褸及黑超,扮成湯「咕嚕」師,推介米線新口味。他搞笑說︰「Call me湯『咕嚕』師!寬面湯…咕嚕咕嚕…SPICY。」他又即場曬金句︰「湯『咕嚕』師teach you,人生得意就呢度寬。」未知阿Dee的喜劇天份,是否從子華神身上偷師得來。
戴黑超的阿Dee穿上飛行員風褸做「影後」,與正牌湯告魯斯傻傻分不清。(網上截圖)
戴黑超的阿Dee穿上飛行員風褸做「影後」,與正牌湯告魯斯傻傻分不清。(FB圖片)
阿Dee(右)與黃子華合作拍《毒舌大狀》,攬頭攬頸甚老友。(資料圖片)
喪跑扮《職業特工隊》
阿Dee拎起米線chok樣扮cool,非常搞笑。
問到阿Dee花了多少時間變身靚佬湯?他自信爆棚說:「我諗大概用咗少過一餐米線嘅時間,可能細個嗰陣,鄰居已經不停讚我似湯告魯斯,我開始學佢喺走廊度跑,快過佢喺《職業特工隊》跑。我覺得得到呢個角色係天意,多謝父母生得我似佢。」問他看了多少次《壯志凌雲︰獨行俠》才捕捉到男神的神韻?阿Dee自信表示看一次就夠:「睇第二次會變得重複,第三次就會悶,最緊要捉住神髓,加上我本身同湯告魯斯有八分似,再加少少眼神就十分似了。」
阿Dee在《ERROR自救TV》扮動漫人物一拳超人。(資料圖片)
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票