17/03/2022
速遞員屋苑範圍醫肚慘遭偷拍公審 林盛斌出Po助保飯碗
【晴報專訊】前日,小西灣一屋苑有住客在FB上載相片,公審一名在屋苑室外範圍除口罩用膳的速遞員,惹來全城網民鬧爆公審者缺乏同理心。林盛斌(阿Bob)亦忍不住嬲爆轉發該照片,出心出力支持該速遞員,揚言若對方被公司處分,會協助對方安排新工作。昨午阿Bob回覆本報,認為疫情下大家應將心比己︰「如果大家都做多少少,社會就會開心好多㗎喇!」
阿Bob出po捍衛速遞員尊嚴,贏盡網民掌聲。(IG圖片)
新冠肺炎第五波疫情嚴峻,前日有人在「小西灣富景花園居民聯絡組」出po,指在屋苑範圍見到一名順豐速遞員坐在行人通道的回收箱旁,以手推車作飯枱,除下口罩用膳。該住客批評速遞員「影響環境衞生」、「在這疫情下罔顧他人」,揚言已向物業管理公司及保安公司投訴。帖文一夜間在網上洗版,網民紛紛鬧爆公審者不近人情,亦有不少人到順豐速運FB專頁留言支持速遞員。阿Bob亦有留意事件,前晚他在IG向該速遞員送暖,指若速遞員被炒魷,他將會安排一份工作給對方。阿Bob認為公審者欠缺同理心:「其實唔可以話你唔啱,你係有你嘅道理嘅。只不過成件事,好無同理心,好唔善良。」
阿Bob近期銳意發展個人YouTube頻道,在疫境下向各界發放正能量。(網上截圖)
速遞公司慰問涉事員工
不少藝人在阿Bob的發帖下留言,吳若希寫道︰「人係要食飯嘅!呢啲咁嘅環境,大家互相包容下啦!」袁偉豪表示︰「無錯!一張相好難去定誰對誰錯,但有時候如果大家可以將心比己,停一停諗一諗,呢個世界就會少咗好多呢啲事情發生,會和諧很多。」事件經一夜發酵,順豐昨午在FB專頁回應網民,表示已慰問涉事員工,亦不會作任何處分,又指於疫情下盼望社會更需體諒和理解。
阿Bob冀多欣賞多尊重
一向是顧家好男人的阿Bob,以身教向子女灌輸正確價值觀。(IG圖片)
昨午阿Bob回覆本報稱︰「我喺網上睇到呢一件事,突然之間好有感受,因為我覺得真係好基本嘅同情心以及同理心,原來有啲人真係無嘅,依家香港已經好多嘢令大家好唔開心,點解連少少嘅包容都做唔到呢?」他又認為,很多人仍默默地努力工作,維持社會運作,「我哋可以做到嘅,係應該欣賞同尊重,而唔係抱怨同投訴,如果大家都可以做多少少、做好少少,咁個社會就會開心好多㗎喇!」阿Bob從報道得知速遞哥哥獲公司力撑,「我知道唔會影響到呢位速遞哥哥嘅工作,無任何紀律處分,咁就放心喇,我覺得好感恩。(你影響力大?)唔係嘅,其實香港好多人好有同情心。(網絡紅人King Jer都轉載?)多謝佢畀面。」此外,姜濤昨晚亦轉載事件,留言:「多一點尊重,多一點包容,多一點理解。」
阿Bob日前為《博愛歡樂傳萬家》任司儀,乘機向表演嘉賓陶大宇集郵。(IG截圖)
轉載自: 晴報
夏日中暑高風險!即睇中暑迷思+預防措施!► 立即了解