林淑敏許家傑獲頒 「最受歡迎電視拍檔」

許家傑和林淑敏在劇內剛「結婚」，昨晚再奪獎雙喜臨門。（電視截圖）

　　處境劇《愛‧回家之開心速遞》的「大小姐」林淑敏和「送水輝」許家傑昨晚獲頒「最受歡迎電視拍檔」，兩人合作拍劇四年，戲內外都默契十足。昨晚上台領獎時，他們均激動得熱淚盈眶，許家傑哽咽道︰「多謝《愛‧回家》，令到我嫲嫲睇得好開心，因為佢每日都可以睇到我。」林淑敏亦感觸表示︰「劇集出街30分鐘，但我哋年中無休咁拍，試過一集拍15日，為咗將最完美嘅畀觀眾睇…多謝珍姐（曾勵珍），我哋係好曳，多謝你包容我哋。」