18/11/2021
感激林盛斌撮合 34歲張秀文閃嫁富二代
【晴報專訊】張秀文前晚被爆婚訊,閃嫁拍拖短短一年多的富二代男友王大權(Billy)。張秀文昨日凌晨回覆本報,盡見對未婚夫的愛慕︰「Billy畀到好大安全感我,各方面都好好!」她特別感激「金牌媒人」林盛斌(Bob)一手撮合。
擁有34D上圍的張秀文在婚照中「封胸」,改為大騷玉背及長腿。(FB圖片)
現年34歲的張秀文,早前被爆與富二代王大權相戀,二人極速開花結果宣布結婚,更一早影定婚紗相。她回覆本報時狂讚未婚夫︰「籌備緊結婚呀,拍拖一年多,大家都好認真,以結婚為目標去相處,Billy畀到好大安全感我,對朋友好好,工作認真又(有)上進心,又鐘意運動同音樂,各方面都好好。」
張秀文其後在社交網撰文,指去年的情人節晚上,自己本在家中穿着睡衣睇短片,突然獲好友Bob邀請出席朋友聚會,Bob更表明想介紹男士給她認識。她坦言當時懶出街︰「金牌媒人(Bob)回了我一句『睇YouTube唔會改變你一生,你今晚肯出嚟就會改變你一生!』結果,我遇見了我的未來老公,我餘生的另一半!」至於Billy亦在網上大曬婚紗相說︰「好感謝Bob,夾硬拉我哋兩個去參加佢嘅親子活動燒嘢食,令到我哋可以喺情人節相遇、認識。」Billy事前向甄澤權學魔術,以魔術方式向張秀文求婚,非常浪漫。據知,Billy是「皮草太子爺」王大業的堂弟,在金融界甚有眼光,有傳他年薪過千萬,絕對是城中筍盤;一對新人待明年疫情再緩和才擺酒。
Bob願助圈中黃金盛女
張秀文公開答謝林盛斌為她找到好姻緣。
至於Bob接受本報訪問時開心說︰「只要佢哋相親相愛,開開心心,快啲組織一個小家庭,幸福快樂,已經係對我最好嘅答謝!」提到不少圈中黃金盛女未有對象,如佘詩曼、胡定欣等,會否「出招」助她們覓得如意郎君?Bob說︰「咁如果佢哋真係搵我,我呢啲出心出力嘅,邊個有需要,我都會赴湯蹈火!」
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇