【晴報專訊】39歲的孫慧雪（雪雪）日前與丈夫及四歲囝囝Riley到中環某酒店staycation，她穿上密實泳裝在酒店泳池邊拍女神照時，驚現不符合人體比例的超長腿，比身旁大廈還要長，認真誇張。被網民質疑P圖的雪雪，昨晚回覆《晴報》時否認做手腳：「如果有P圖，後面棟大廈會彎咗！」

　　一向熱愛staycation的孫慧雪，日前一家三口到酒店歎世界，雪雪更在泳池邊留倩影。她以身後的酒店大樓作背景，穿上密實兩件頭泳衣的她，大曬纖腰及白滑長腿：「應該係今年最後一游！上水嗰陣已經無日光，所以…好凍呀！」她又感謝酒店職員︰「最勁都係酒店嘅職員哥哥Isaac，佢話會幫我影到好瘦，仲有超長腿效果！謝謝呢位有超過人攝影技術嘅哥哥。」然而，未知是否雪雪P圖太重手，美腿長得過分，有網民留言取笑雪雪「九呎幾高」，猶如日本動漫《進擊的巨人》；亦有人笑指雪雪「長過棟樓」。

以密實泳裝上陣的雪雪，修長美腿跟左邊的大廈幾乎一樣高。（IG圖片）

難明網民露骨留言

雪雪與Riley在房間內享受親子時光，玩得盡興。（IG圖片）

　　昨日雪雪回覆本報時，再度感謝職員哥哥︰「當時老公同囝囝都落咗水，無人幫我揸機，但職員哥哥話呢個位係打卡熱點，我包住毛巾試影一張，之後再影po上網呢張圖。（是否有P圖？）真係無，如果P咗後面大廈會彎咗，其實職員哥哥係熟手技工，佢踎低之後，將手機上下倒轉咁拎，然後低炒影就得。（老公攝影技巧自愧不如？）老公幫我影咗咁多年，覺得攝影技巧進步咗，不過佢見到呢張相，就話下次唔使影喇。」

雪雪化身「眼鏡娘」，一樣俘虜不少宅男。

　　雖然雪雪的泳衣造型絕不暴露，但仍有網民留下露骨評論，她坦言不明所以：「我已經唔係將長腿相放第一張，上身包到冚，自己唔覺性感，不過玩IG咁多年，見到（露骨留言）已經唔理，去到爐火純青地步。（以後po少啲性感相？）我之前擺一張好密實嘅相，只係露少少腿都有留言話有幻想，自己真係唔識分。」她指IG上不少台灣辣媽po超性感相也無問題，認為香港文化始終較保守︰「其實我擺少咗好多性感相，但覺得靚都會照po。」